10 ğinwar Ufağa Mäskäwdä näşer itelüçe “Tatarskiy mir” federal tatar gäzite möxärrire, yazuçı Rinat Möxämmädiev kilgän ide. 11 ğinwar ul Ufa “Nur” tatar däwlät teatrında buldı, tatar zıyalıları belän oçraştı. Oçraşu Aqmulla isemendäge Başqort däwlät pedagogiä universitetında uzdı. Oçraşuda Möxämmädiev gäzit häm üzeneñ ädäbi eşçänlege xaqında söyläde, sorawlarğa cawap birde. Tatar zıyalılarınıñ respublikadağı mäğärif turındağı fikeregez, digän sorawğa ul turı cawap birmi qaçıp, ildäge iqtisadıy xällärneñ awır buluı turında söyläde. Tağı şul uq sorawnı qabatlap, konkret cawap işetergä teläwlärgä ul problemğıznı beläm, barısın da qıçqırıp äytep bulmıy dip cawapladı. Rinat Möxämmädiev uzğan könne respublika Prezidentı belän oçraşuı turında da äytep, ul tatar mädäniäte problemnarın belüen äytte. Yaña yıldan gäzitendä Başqortstanğa zur urın bülärgä ışandırdı. 16 säxifäneñ san sayın 3-4e sezneñ respublikağa bağışlanaçaq dip ışandırdı.
Mönir Wafin, Ufa
Mönir Wafin, Ufa
