Kesä telefonı belän bügen berkemne dä şaqqatırıp bulmıy anısı. Xättä eçendä fotokamera bulsa da. Telefonnarın muzıka tıñlaw öçen qullanuçılar bar. Qayberäwlär kesä telefonınnan İnternetqa da kerä.
Apple şirkäteneñ iPhone isemle yaña cihazı şuşı mömkinleklärneñ barısın da berläştergän: ul kesä telefonı da, fotokamera da, muzıqa uynatqıç ta, internet caylanması da.
San Franciscoda ütkän çarada bu yaña cihaznı Apple şirkäte başlığı Steve Jobs şähsän üze täqdim itte.
“iPod, telefon häm internet caylanması. Sez añlıysızmı? 3 ayırım cihaz tügel. Bu ber caxaz häm bez anı iPhone dip atadıq.”
IPhone eçenä şul uq Apple şirkäteneñ, zur uñış qazanğan iPod isemle muzıqa uynatqıçı urnaştırılğan.
Xäter küläme 4 yä 8 Gb, anda meñnän artıq cır sıydırıp bula, tatar-başqort cäwhärlären tulısı belän diärlek.
Tağın ber üzençälek – cihaznıñ töymäläre yuq, sizger ekranğa barmaq belän qağılu citä. Apple başlığı Steve Jobs anıñ niçek eşläwen zur ekranda kürsätte:
“Min cırlarımnı niçek ezlim? Barı tik barmaq belän törtäm dä äyländeräm.”
Şuşı matur uyınçıq amerika bazarına Yün ayında çığa. Bäyäse şaqtıy qimmät: 4 Gb-lısı $500, 8 Gb-lısı $600. Yewropada ul yıl axırında, Aziädä kiläse yılğa kötelä.
Apple’nıñ iPod isemle muzıka uynatqıçı zur uñışqa ireşkän ide. Qısqa waqıt eçendä dönyada 70 million danä satıldı. iPhone’ğa Apple xucaları tağı da kübräk ömet bağlıy, çönki telefon bazarı küpkä zurraq. Berençe yılda uq alar 10 million iPhone satmaqçı. Barıp çıqsa, Apple üzeneñ berdän-ber telefonı belän dönya bazarınıñ şunduq 1%tın qaplıy digän süz.
Täqdim çarası ütü belän qimmätle qäğäzlär bazarında Apple’nıñ xissäläre 8% öskä sikerde.
Steve Jobs tağın ber yañaqlıq äytte. Moñarçı sanaqlar citeşterü belän dan qazanğan Apple Computer şirkäte isemen üzgärtä, xäzer ul qısqaraq, Apple dip atalaçaq. Küräseñ, “almaçılar” kiläçäktä dä sanaq citeşterü belän genä ciklänergä cıyınmıy.
Axırda bal miçkäsenä ber qaşıq deget. Cisco Systems isemle başqa ber şirkät Apple’nı mäxkämägä biräçägen belderde. Baqsañ, iPhone isemen ul 2000 yılda uq terkägän bulğan. Apple’nıqı şikelle ük kättä bulmasa da, 3 atna elek, yağni annan irtäräk, şul uq isemle üz telefonın çığarğan. Cisco vitse-prezidentı Mark Chandler süzlärençä, “almaçılar” alarğa bu isemne sorap kilgäç, alar söyläşülär başlağan, ämmä kileşügä ireşä almağannar. Cisco mäxkämägä möräcäğät itep, Apple’ğa iPhone isemen qullanunı tıyarğa taläp itte.
Ali Ğilmi
Apple şirkäteneñ iPhone isemle yaña cihazı şuşı mömkinleklärneñ barısın da berläştergän: ul kesä telefonı da, fotokamera da, muzıqa uynatqıç ta, internet caylanması da.
San Franciscoda ütkän çarada bu yaña cihaznı Apple şirkäte başlığı Steve Jobs şähsän üze täqdim itte.
“iPod, telefon häm internet caylanması. Sez añlıysızmı? 3 ayırım cihaz tügel. Bu ber caxaz häm bez anı iPhone dip atadıq.”
IPhone eçenä şul uq Apple şirkäteneñ, zur uñış qazanğan iPod isemle muzıqa uynatqıçı urnaştırılğan.
Xäter küläme 4 yä 8 Gb, anda meñnän artıq cır sıydırıp bula, tatar-başqort cäwhärlären tulısı belän diärlek.
Tağın ber üzençälek – cihaznıñ töymäläre yuq, sizger ekranğa barmaq belän qağılu citä. Apple başlığı Steve Jobs anıñ niçek eşläwen zur ekranda kürsätte:
“Min cırlarımnı niçek ezlim? Barı tik barmaq belän törtäm dä äyländeräm.”
Şuşı matur uyınçıq amerika bazarına Yün ayında çığa. Bäyäse şaqtıy qimmät: 4 Gb-lısı $500, 8 Gb-lısı $600. Yewropada ul yıl axırında, Aziädä kiläse yılğa kötelä.
Apple’nıñ iPod isemle muzıka uynatqıçı zur uñışqa ireşkän ide. Qısqa waqıt eçendä dönyada 70 million danä satıldı. iPhone’ğa Apple xucaları tağı da kübräk ömet bağlıy, çönki telefon bazarı küpkä zurraq. Berençe yılda uq alar 10 million iPhone satmaqçı. Barıp çıqsa, Apple üzeneñ berdän-ber telefonı belän dönya bazarınıñ şunduq 1%tın qaplıy digän süz.
Täqdim çarası ütü belän qimmätle qäğäzlär bazarında Apple’nıñ xissäläre 8% öskä sikerde.
Steve Jobs tağın ber yañaqlıq äytte. Moñarçı sanaqlar citeşterü belän dan qazanğan Apple Computer şirkäte isemen üzgärtä, xäzer ul qısqaraq, Apple dip atalaçaq. Küräseñ, “almaçılar” kiläçäktä dä sanaq citeşterü belän genä ciklänergä cıyınmıy.
Axırda bal miçkäsenä ber qaşıq deget. Cisco Systems isemle başqa ber şirkät Apple’nı mäxkämägä biräçägen belderde. Baqsañ, iPhone isemen ul 2000 yılda uq terkägän bulğan. Apple’nıqı şikelle ük kättä bulmasa da, 3 atna elek, yağni annan irtäräk, şul uq isemle üz telefonın çığarğan. Cisco vitse-prezidentı Mark Chandler süzlärençä, “almaçılar” alarğa bu isemne sorap kilgäç, alar söyläşülär başlağan, ämmä kileşügä ireşä almağannar. Cisco mäxkämägä möräcäğät itep, Apple’ğa iPhone isemen qullanunı tıyarğa taläp itte.
Ali Ğilmi
