Казанда МЧС торак бистәсе дольщиклары мәсьәләне Татарстан президенты Рөстәм Миңнеханов аша хәл итә алмагач, дәүләт киңәшчесе Миңтимер Шәймиевкә мөрәҗәгать итәргә булган. Түрәләр коррупциягә баткан һәм президент биргән күрсәтмәләрне кире кагып, бары тик үз мәнфәгатьләрен генә үти дип белдерә алар.
Гафури театры директоры Иршат Фәйзуллин өстән төшкән планны үтәү өчен ике ел инде балаларга русча спектакльләр күрсәтә башлауларын әйтә.
Татарстан референдумына – 25 ел. Белгечләр референдум Татарстан дәүләтчелеген саклап калуда терәк була, бүген дә үз көчен югалтмаган дип белдерә.
Азатлык Тукай бүләгенә намзәтләрдән премияне үз арагыздан өч кешегә, кемгә бирер идегез дигән сораштыру үткәрде. Тәлгать Галиуллин, Мәдинә Маликова, Фирдәвес Ханов иң күп тавыш җыючылар булды.
Төмән өлкәсе Вагай районы сазлыклар арасында урнашкан Усак, Карт авыл, Биек авыл, Агытбаш халкы, борынгыдан килгән кәсепләр тыелыр дип борчылып, Олы Күлне һәм аның әйләнә-тирәсен тыюлык итүгә каршы.
Буа дәүләт драма театры сәнгать җитәкчесе Раил Садриев "Идел-Буа-Урал" театр фестивален дөньякүләм чара итәргә тели. Әлеге фестиваль нәтиҗәсендә Татарстанның тагын бер туристик үзәге барлыкка киләчәк дип белдерә ул.
28 февраль дөньякүләм Татар халык ашлары көне уңаеннан Чехия татарларының Tatar.cz оешмасы пәрәмәч пешерү серләрен өйрәнде.
Сәяси күзәтүче, "Звезда Поволжья" газеты мөхәррире Рәшит Әхмәтов Татарстан президенты Рөстәм Миңнеханов үзенең туган көне алдыннан Татфондбанк кризисын уңай чишә алды дип белдерә. Әхмәтов фикеренчә, банк кризисы президент абруена тискәре йогынты ясамаган.
Татарның күренекле аш-су остасы Юныс Әхмәтҗанов тууына 90 ел. Казанда аның истәлегенә аш-су осталары бәйгесе узды. Юныс ага белән бергә эшләгән Зөһрә Камалова аның исемен Казан үзәгендәге берәр урамга бирергә кирәк ди.
Оппозициядәге активист Илдар Дадин 26 февраль төрмәдән иреккә чыкты. Бу хәл күпләрне аптырашта калдырды, ләкин белгеч шатланырга әле иртәрәк дип саный.
Опера җырчысы Аида Гарифуллина киләчәктә булачак концертларында татар халкының берәр озын көен дә башкарырга җыена.
Белгечләр фикеренчә, Мәскәү төбәкләрне эреләндерү фикереннән баш тартмаган. "Эреләндерү Татарстанга кагылмаячак", "Татарстанны икътисади яктан эретәчәкләр" дип фикер белдерүчеләр дә бар.
17 февраль Төмәндә хакимият, "Мирас" оешмасы һәм Соляное урыс авылы вәкилләре "Искер" тирәсендәге җирләр, урыс зираты һәм "Искер җыен" фестивале турында сөйләште.
Район мәхкәмәсе Урта Әләзән авылында хосусый белем бирү үзәген ябып тору карары чыгарган. Пенза өлкәсенең татар милли-мәдәни мохтарияте рәисе Бәкәр Акъегет һәр татар үзәген саклап калу өчен көрәшәчәкләрен белдерә.
Узган ел Татарстанга инвестицияләр килү кимегән. Белгечләр моңа сәбәп булып беренче чиратта сәяси вә хокукый гарантияләр булмау тора дип саный. Путин кәефенә карап кына Төркия белән Русия арасында мөнәсәбәтләр бозылгач та, беренче чиратта бизнес зыян күрде.
Һөҗүмче, татар егете Алмаз Миргазов туплы хоккейда дөнья чемпионатына Швециягә Русия җыелма такымының православ руханины һәм икона алып баруны, хоккейчылар киеменә иконадагы "изге" Александр Невский сурәтен чигүне кирәкмәс әйберләр дип саный.
Төмән өлкәсенең милләтләр эшләре комитеты себертатарларның "Искер-җыен" фестивале һәм фәнни конференция "җәмәгатьчелек өчен әһәмияткә ия түгел" дигән карар чыгарды. "Мирас" оешмасы җиткәчесе Луиза Шәмсетдинова сүзләренчә, себертатарлар комитет гамәлен милләтләрне юк итү белән шөгыльләнү дип бәяләгән.
Татарстан президенты Рөстәм Миңнеханов, мәгариф министры Энгел Фәттахов һәм КФУ ректоры Илшат Гафуров Русия мәгариф министры Ольга Васильева белән очрашуда укытучылар әзерләү өчен бюджет урыннарын арттыру кирәклеген белдергән. Очрашуда яулык мәсьәләсе күтәрелмәгән.
Татар халкының Милли Мәҗлесе оешканга 25 ел. Әлеге оешманың беренче рәисе Тәлгать Абдуллин Мәҗлесне татарда демократиянең башы, дәүләт кризисында идарәне үз кулына алып китәрдәй оешма иде дип белдерә. Мәҗлес эшчәнлеген миллилекне торгызуда югары бәяли ул. Киләчәктә милли мәгарифне, латин имласын, татар телен торгызуда яңа күтәрелеш мөмкилеген дә кире какмый.
Камал театры директоры Илфир Якупов сүзләренчә, кайда да булса барып бер спектакль генә күрсәтү отышлы түгел. Якын-тирә төбәкләрдән татарлар Казанга спектакль карарга үзләре килә ди ул.
дәвам
