Germaniä, Fransiä, Britaniäneñ tışqı eşlär ministrları häm Yewropa Berlegeneñ tışqı säyäsät ölkäsendäge yuğarı wäkile Berlindä aşığıç oçraşu ütkärä - söyläşülär üzägendä İrannıñ üzendä atom yağulığın tikşerenü eşlären yañartırğa buluı tora. Cıyın aldınnan britan tışqı eşlär ministrı Jack Straw, Yewropa "öçlege" şuşı mäs''äläne tikşerü öçen aşığıç räweştä Xalıqara atom energiäse idaräse utırışın cıyunı täqfim itä, dip beldergän ide.
