1937 елның 20 декабрендә НКВДның Уфадагы тикшерү төрмәсендә Беренче башкорт республикасына нигез салган Әхмәтзәки Вәлидинең әтисен — Көзән авылының 77 яшьлек элекке имам-хатыйбы Әхмәтша Вәлидовны атып үтерәләр. Азатлык ачык чыганаклар ярдәмендә Әхмәтша Вәлидовның биографиясен торгызырга тырышты.
2022 елның декабрендә Казанның Островский урамындагы Татар китабы йортында Шәриф Камал мемориаль музей-фатирында "Бәхет елы" дигән спектакль күрсәттеләр. Анда 1937 елгы вакыйгалар турында сүз бара.
30 октябрь — Сәяси репрессия корбаннарын искә алу көне. Чита төбәгендә яшәгән ярымтатар Валентина (Фагыйлә) Шадринцева Азатлыкка үз әбисе кичергәннәрне сөйләде.
Язучы, журналист, публицист, тәрҗемәче Мәхмүт Галәү вафатына быел 85 ел тула. Шул уңайдан аның оныкчыгы Анастасия Галәүетдинова Казанга килде. Ул безнең белән русча сөйләште, гаиләбез татар тамырларыннан бөтенләе белән аерылган һәм моңа нәкъ менә бабабыз белән булган хәлләр сәбәпче, дип аңлатты ул.
БМОның Кеше хокуклары югары комиссары Мишель Бачелет августта Кытайның мөселманнар яшәгән Синҗан төбәгендәге вазгыять турында хисап чыгарачак. Ул быел май аенда эш сәфәре белән Кытайга килде, шуннан соң мәгълүмат чаралары Кытай Бачелетка басым ясый, язылган хисапны чыгармавын сорый, дип язды.
Башкортстанда яшәүче 85 яшьлек пенсионер өч кешене үтерергә маташуда гаепләгән 1959 елгы хөкем карарын гамәлдән чыгару өчен инде 60 елдан артык көрәшә.
Татар феминисты, буллинг корбаны, данга күмелеп яшәүче сәхнә йолдызы, әмма ялгызлыкта вафат булган татар актрисасы. 15 май – татарның беренче актрисасы Сәхипҗамал Гыйззәтуллина-Волжскаяның тууына 130 ел.
Балачаклары Икенче дөнья сугышына, фашистик Германиянең агрессор буларак совет иленә бәреп керү афәтенә туры килгән буын Русиянең бүген Украинага каршы алып барган сугышын ничек кабул итә?
дәвам
