Барлык районнарда һәм шәһәрләрдә шушы бәйрәм уңаеннан күп балалы әниләрне котлау, аларга бүләкләр тапшыру һәм концертлар күрсәтү оештырыла. Төрле хезмәт коллективларында ветеран әниләрне чакырып чәй мәҗлесләре дә уздыралар.
Ә республика күләмендәге иң зур бәйрәм чарасы җомга көнне Уфадагы “Конгресс-холл” бинасында үтте. Анда республиканың югары җитәкчеләре дә катнашты. Президент Мортаза Рәхимов анда чыгыш ясап, әниләрне шушы матур бәйрәм белән котлады һәм тугыз, аннан да күбрәк балалары булган 3 гаиләгә өр-яңа “Газель” микроавтобуслары ачкычларын тапшырды. Бәйрәм кичәсе республика сәхнә йолдызларының зур концерты белән дәвам итте.
Алдагы ике көндә дә әниләр бәйрәме уңаеннан төрле мәдәни чаралар оештырыла.
