Русия дәүләт думасы депутаты, андагы саклану комитеты рәисе урынбасары Юрий Савенко Русия прокуратурасының тикшерү бүлеге рәисе Александр Бастрыкинга мөрәҗәгать юллаган. Анда Дәүләт Думасы депутаты Стәрлетамак шәһәрендәге “Синтез-каучук” дип аталган ширкәтнең җитәкчелеге гамәлләрен тикшерүне сорый.
Юрий Савенко белдерүенчә, аңа Башкортстаннан “Синтез-каучук” ширкәте җитәкчеләренең кырын гамәлләре турында байтак шикаять хатлары килгән. Алардан күренүенчә, “Синтез-каучук” ширкәте салымнар түләүдән качып килә икән. Түләнмәгән салымнар күләме 1 миллиард сумга җиткән.
