Иран чит ил журналистларына демонстрацияләрне яктыртуны тыя

Иран чит ил киңкүләм мәгълумат чараларына илдәге сайлау нәтиҗәләренә ризасызлык белдерү җыеннарын яктыртуны тыйды.

Мәдәният министрлыгының чит ил матбугаты бүлеге чит илләрнең барлык киңкүләм мәгълумат чараларына министрлык рөхсәт итмәгән чараларга бармаска кушты.

Чит илләрнең киңкүләм мәгълумат чаралары үз хәбәрләрендә дүшәмбе көнне йөзләрчә мең кеше катнашкан ризасызлык чарасына киң урын биргән иде.