Мәхкәмә утырышында Благовещен шәһәре эчке эшләр бүлегенең элекке башлыгы Илдар Рамазановка, Башкортстан ОМОНы, ягъни махсус тәгаенләнеш көчләре башлыгы урынбасары Олег Соколовка һәм Благовещен шәһәре җәмәгатьчелек иминлеге милициясе башлыгы урынбасары Олег Мирзинга карата хөкем карарлары алардан каза күрүчеләрне канәгатьләндермәс, мөгаен. Чөнки әлеге югары дәрәҗәдәге милиция түрәләре төрмәдән котылып калды. Аларның өчесенә дә шартлы хөкем карары гына чыгарылды. 4 елдан алып 5 ярым елга кадәр шартлы хөкем игълан ителде милиция офицерларына.
Исегезгә төшерәбез, 2004 елның декабрь аенда Благовещен шәһәрендә милиция һәм ОМОН көчләре тарафыннан “чистартулар” булып 340тан артык кеше каты кыйналган иде. Шуннан соң каза күрүчеләр милиция хезмәткәрләрен мәхкәмәгә бирә башлады. Әмма бу гамәлләрне тикшерү озакка сузылды. Бары тик берничә ел үткәч кенә, берничә гаепле милиционер җәза алды. Өч милиционер шартлы рәвештә хөкем ителде. Һәм бары тик Благовещен шәһәре эчке эшләр идарәсенең җинаятьчеләрне эзләү бүлеге оперуполномоченные, милиция лейтенанты Айдар Гыйльванов кына 4 елга ирегеннән мәхрүм ителде.
Благовещендагы “чистартулар”да каза күрүчеләр үзләренә китерелгән әхлакый зыянны каплатуны таләп итеп тә мәхкәмәгә мөрәҗәгать итә һәм аларда җиңеп чыга башлады. Мисал өчен, Бөре социаль-педагогия академиясенең икенче курсында белем алучы Дмитрий Антипинга Русия Финанс министрлыгы 50 мең сум акча түләргә тиеш. Дмитрий Антипинның җиңүеннән дәртләнеп, хәзер башка каза күрүчеләр дә милиция өстеннән мәхкәмәгә бирә башлаган. Шулай итеп республика милициясеннән зыян күрүчеләр 5 елдан соң азмы-күпме гаделлеккә ирешә башлады.
Исегезгә төшерәбез, 2004 елның декабрь аенда Благовещен шәһәрендә милиция һәм ОМОН көчләре тарафыннан “чистартулар” булып 340тан артык кеше каты кыйналган иде. Шуннан соң каза күрүчеләр милиция хезмәткәрләрен мәхкәмәгә бирә башлады. Әмма бу гамәлләрне тикшерү озакка сузылды. Бары тик берничә ел үткәч кенә, берничә гаепле милиционер җәза алды. Өч милиционер шартлы рәвештә хөкем ителде. Һәм бары тик Благовещен шәһәре эчке эшләр идарәсенең җинаятьчеләрне эзләү бүлеге оперуполномоченные, милиция лейтенанты Айдар Гыйльванов кына 4 елга ирегеннән мәхрүм ителде.
Благовещендагы “чистартулар”да каза күрүчеләр үзләренә китерелгән әхлакый зыянны каплатуны таләп итеп тә мәхкәмәгә мөрәҗәгать итә һәм аларда җиңеп чыга башлады. Мисал өчен, Бөре социаль-педагогия академиясенең икенче курсында белем алучы Дмитрий Антипинга Русия Финанс министрлыгы 50 мең сум акча түләргә тиеш. Дмитрий Антипинның җиңүеннән дәртләнеп, хәзер башка каза күрүчеләр дә милиция өстеннән мәхкәмәгә бирә башлаган. Шулай итеп республика милициясеннән зыян күрүчеләр 5 елдан соң азмы-күпме гаделлеккә ирешә башлады.
