Быел июль ае башында эшли башлаган лагерьга “Сәләт-Чаллы аланы” дигән исем бирелә һәм аңа 50гә якын бала җыела. Ял итүләренең соңгы көннәрендә яшүсмерләр әйдәманнары белән бергә Биләргә сәяхәткә бардылар. Аннан соң кичке якта Чаллыга кайттылар. Биредә аларны 29нчы татар гимназиясендә ата-аналары каршы алды.
Балалар “Сәләт”тә нәрсәгә өйрәнгән, менә шуларны алар өйләренә таралмыйча, 29нчы гимназиядә әти-әниләренә дә күрсәттеләр. Яшүсмерләр әхлакый, дини, дөньяви яктан бер башка үсеп киткәннәр. Әниләр балаларын “Сәләт” лагерына бирүләренә сөенеп туя алмыйлар.
“Тәрбия яхшы булды. Алга таба улымны гына түгел, кызымны да “Сәләт” лагерына бирер идем”, ди Илнур Кашаповның әнисе.
“Балаларыбызны милли рухта тәрбияләргә тырышабыз. Ике улыбыз лагерьда булды һәм без үзебез белмәгән яктан балаларның сәләтен күрдек”, дип өстәде Гөлинә Хәсәнова.
“Сәләт-Чаллы аланы” лагерында Америкада яшәүче Марсель Хәмидуллин да бар иде. Әңгәмә барышында ул татарча өйрәнә башлавын гына әйтте һәм сорауларга инглиз телендә җавап бирде. Әлбәттә, Марсельнең дуслары инглизча белә, алар американ яшьтәшләре хакында белгәннәрен, һәм әлбәттә үзләре хакында да сөйләделәр.
“Чаллы аланы”нда ял иткән Камил Шәрипов, Рафаэль Гәрәев “Сәләт”тән бик канәгать калуларын әйттеләр.
Лагерь җитәкчесе Фәрит Мөдәррисов балаларга бер рәхмәтле булса, алар белән эшләгән әйдәманнарга икенче рәхмәтен әйтте.
“Без махсус әйдәманнар мәктәбен уздык , балалар белән эшләргә өйрәндек. Арыган вакытта да көч туплап, күрше такымнарны җиңәргә өйрәттек”. Әйдәманнарның берсе Рөстәм Гатауллин “Азатлык”ка шулай диде.
Шулай итеп, “Чаллы аланы” тәмам. Алга таба “алан” нишләр? Киңәерме, зураермы? Моны киләчәк, татар мохитенең торышы билгеләр.
Балалар “Сәләт”тә нәрсәгә өйрәнгән, менә шуларны алар өйләренә таралмыйча, 29нчы гимназиядә әти-әниләренә дә күрсәттеләр. Яшүсмерләр әхлакый, дини, дөньяви яктан бер башка үсеп киткәннәр. Әниләр балаларын “Сәләт” лагерына бирүләренә сөенеп туя алмыйлар.
“Тәрбия яхшы булды. Алга таба улымны гына түгел, кызымны да “Сәләт” лагерына бирер идем”, ди Илнур Кашаповның әнисе.
“Балаларыбызны милли рухта тәрбияләргә тырышабыз. Ике улыбыз лагерьда булды һәм без үзебез белмәгән яктан балаларның сәләтен күрдек”, дип өстәде Гөлинә Хәсәнова.
“Сәләт-Чаллы аланы” лагерында Америкада яшәүче Марсель Хәмидуллин да бар иде. Әңгәмә барышында ул татарча өйрәнә башлавын гына әйтте һәм сорауларга инглиз телендә җавап бирде. Әлбәттә, Марсельнең дуслары инглизча белә, алар американ яшьтәшләре хакында белгәннәрен, һәм әлбәттә үзләре хакында да сөйләделәр.
“Чаллы аланы”нда ял иткән Камил Шәрипов, Рафаэль Гәрәев “Сәләт”тән бик канәгать калуларын әйттеләр.
Лагерь җитәкчесе Фәрит Мөдәррисов балаларга бер рәхмәтле булса, алар белән эшләгән әйдәманнарга икенче рәхмәтен әйтте.
“Без махсус әйдәманнар мәктәбен уздык , балалар белән эшләргә өйрәндек. Арыган вакытта да көч туплап, күрше такымнарны җиңәргә өйрәттек”. Әйдәманнарның берсе Рөстәм Гатауллин “Азатлык”ка шулай диде.
Шулай итеп, “Чаллы аланы” тәмам. Алга таба “алан” нишләр? Киңәерме, зураермы? Моны киләчәк, татар мохитенең торышы билгеләр.
