Күргәзмә быел Татарстанда игълан ителгән тарихи-мәдәни мирас елы кысаларында оештырылган. Анда татар хатын-кызлары таккан чулпылар, беләзек, йөзек кебек бизәнү әйберләре, милли киемнәр, XIX гасырда Татар бистәсендә урнашкан мәчет планы, архитектура документлары, тарихи китаплар тәкъдим ителде.
Күргәзмәнең ачылышында курайда татар милли көйләре башкарылды. Килгән кунакларга күргәзмә хакында кызыклы мәгълүматлар җиткерелде.
Күргәзмә 1 сентябрьгә кадәр ачык булачак.
