Радик Гыйматдинов Татарстан президенты ярдәмчесе итеп билгеләнде

Гыйматдинов аңа кадәр Татарстанның Төркиядәге вәкиле иде. Элек Татарстан президенты киңәшчесе булган Тимур Акулов Русия думасына Татарстаннан булган депутат Олег Морозов урынына киткән иде. Морозов Русия президенты хакимиятенә эшкә алынды.


Татарстан президенты фәрманы белән Айдар Гашигуллин Татарстанның Төркиядәге вәкиле итеп билгеләнде. Гашигуллин 2008 елдан Төркиядәге вәкилнең киңәшчесе, 2012 елдан ярдәмчесе булып эшләгән иде.