Yaña 2006нчы yıl Yekaterinburg şähäre tatarları öçen küñelle yal kiçäläre belän başlanıp kitte. “Miras” isemle tatar-başqort ölkä mädäni üzäge oyıştırğan bu kiçälärgä tatarlar, bigräk tä yäşlär teläp yörilär.
Tatar yal kiçälären atna sayın uzdırıp torırğa şähärneñ El'maş mädäniät sarayı citäkçeläre belän kileşü tözelgän. “Miras” oyışmasınıñ sänğät citäkçese, kompozitor İlgiz Safiullin söyläwençä, bu kiçälär 2006нчы yılda här comğa sayın kiç oyıştırılaçaq. Bu çaralarnı kübräk tatar yäşläre öçen uzdırabız, di ul. İlgiz Safiullin fikerençä, näq menä şundıy kiçälär yäşlärgä ber-bersen tabarğa, tanışırğa, qawışırğa, tatar ğailäläre tözergä yärdäm itä.
Cır-biyu, törle uyınnar belän yal kiçäläre bik küñelle uza. Biredä Yekaterinburg şähärendä yäşäp icat itüçe tatar cırçıları bik teläp qatnaşa. Alar arasında Tatarstannıñ atqazanğan artistı Xäydär Gıyyl'fanov, töbäk ara tatar cırı konkursları lawreatı İl'dam Şäripov kebek tanılğan cırçılar belän berrättän, tormışqa yaña ayaq basıp kilgän yäşlär dä bar. Şularnıñ berse – “Yäşlek” ansambleneñ yäş solistı Yelena Märdämşina. Yelenağa 17 yäş, ul bıyıl urta mäktäpne tämamlağaç, Qazanğa barırğa, mädäniät häm sänğät universitetına uqırğa kerep, tatar teatrında eşlärgä xıyallana. Matur itep cırlıy, tatarça söyläşä. Bez rus şähärendä üstek, üzebezne tatar itep toyu öçen bezgä mondıy kiçälär bik kiräk, di ul.
Mondıy kiçälärgä yäşlär genä tügel, ölkännär dä bik yaratıp kilä. “Yäşlek” ansamble veteranı Zölfiä Möbäräkşina fikerençä, tatarlar üzara şulay yışraq oçraşıp, aralaşıp yäşäsen öçen bik kiräkle, äybät eş başlağannar “Miras” oyışması citäkçeläre.
Bu könnärdä Sverdlovski ölkäseneñ Krasnoufim şähärendä töbäk ara xokkey turnirı bulıp uzdı. Turnirnı Sverdlovski ölkäse Zakonnar cıyılışı wäkillär palatası deputatı Al'bert Abzalov citäklägän “Keçe Watanım” isemle xäyriä fondı oyıştırdı.
Krasnoufim şähärendä zamança cihazlandırılğan çañğı sportı bazası, xokkey mäydanı bar. Biredä rayon häm ölkä külämendä bik zur sport yarışları oyıştırıla.
Bu yulı xokkey turnirı “Keçe Watanım” xäyriä fondı prizlarına 1997нче yılda tuğan balalar öçen oyıştırıldı. Turnirda Sverdlovski ölkäseneñ Krasnoufim, Asbest, Novoural'ski, Tübän Tağil şähärlärennän häm Novosibirski qalasınnan kilgän yäş yegetlär qatnaştı. Ciñüne Krasnoufim xokkeyçıları yaulap aldı.
Krasnoufim xokkeyçıları Sverdlovski ölkäsendä elek-elektän köçle komanda bulıp sanala. Rayonnıñ Bäyäk Tüz digän tatar awılında siksänençe yıllar axırında mäktäpneñ fizkul'tura uqıtuçısı Räfil Zıyätdinov eşsezlektän şuqlanıp, tärtip bozıp yörgän yäşüsmerlärne tuplap, bik köçle xokkey komandası oyıştıruğa ireşkän ide. Räfil äfände ul çaqta yäşlärneñ energiäsen xokkey uynarğa ğına tügel, ölkännärgä bulışırğa, xätta Bäyäk Tüzdä ör-yaña mäçet tözep quyuğa da yünältä aldı. Xokkeynı bügen ul buınnıñ balaları uynıy.
Bu yulı uzdırılğan yarışlarğa bäyräm tösmere birep, turnirğa qunaq bulıp kilgän, qayçandır Yuğarı Ligada uynağan legendar “Avtomobilist” komandası veterannarı häm Krasnoufim rayonı komandası veterannarı iptäşlärçä matç uynadılar. Älege sport bäyrämennän bar da qänäğät qaldı.
Fäwiä Safiullina,Yekaterinburg
