Ufada yıl da uzdırıluçı “Şärıq-şou” tamaşaları däwam itä. Başqortstandağı kiñ bilgele “Şärıq” radiosı oyıştırğan bu konsertlar bıyıl da Ufanıñ Neft'çelär sarayında meñlägän tamaşaçını cıya. Biletlar aldan uq satılıp betkän ide. Başqortstannıñ ğına tügel, ä Tatarstannıñ häm Mäskäwneñ dä kürenekle sänğät ostaların cıyğan älege kürkäm bäyräm şuşı şimbä häm yäkşämbe könnärendä dä däwam itä. Şul xaqta “Şärıq” radiosınıñ äydäwçe jurnalistı, älege bäyrämne oyıştıruçılarnıñ berse Lena Fatıyxova.
Lena – Aldağı ike köndä bezneñ tamaşalar däwam itä. Qazannan da qunaqlarıbız küp. Tanılğan cırçılar Xäniä Färxi, İldar Xäkimov, Güzäl Urazova, Räsim Nizamov häm başqalar kilde. Şulay itep zur bäyräm kötelä
Sez Ufada ütüçe “Şärıq-şou” tamaşaları xaqında “Şärıq” radiosı jurnalistı Lena Fatıyxovanı tıñladığız.
Fänis Fätxi, Ufa.
