İzge Bolğar cıyınına 10 meñ tiräse keşe kiler dip farazlana

Yäkşämbe könne İzge Bolğar cıyınına meñlägän möselman yul alaçaq. 89 yıldan başlanğan zıyarat qılu, bıyıl tağın da kürkämräk töstä uzar dip farazlana. Elek anı Tatarstan möselmannarı Diniä Näzaräte genä oyıştırsa, bıyıl Bötendönya tatar kongressı Başqarma komitetı, Rossiä möselmannarı Üzäk Diniä Näzaräte, Rossiä möftilär Şurası da quşılğan. Älege cıyınnıñ maqsatı turında Tatarstan möselmannarı Diniä Näzaräte räise urınbasarı Wäliulla Yaqub:

Bu 17nçe tapqır zıyarat räweşendä başqarıla. Bolğar ciren zıyarat itü öçen.

Cıyına Rusiä töbäklärennän dä küp millättäşlärebez cıyına. Mäsälän, Ul''yan ölkäsennän 9 avtobusta, Orenburdan 3 avtobusta kiläçäklär. Bu xaqta Bötendönya tatar kongressı Başqarma komitetınıñ çit töbäktäge tatarlar belän eşläw bülege citäkçese Mars Tuqaev

Barlıq Diniä Näzarätlärenä häm yaqın tirädäge tatar milli oyışmaları citäkçelärenä çaqırular cibärelde. Zur delegatsiälär Başqortstannan, Ul''yannan, Tübän Novgorodtan kötelä. Barlığı keşe 10 meñnän dä azraq bulmayaçaq bezneñ xisaplar buyınça.

Cıyında şulay uq Tatarstan ministrlıqları wäkilläre, zıyalılar da qatnaşaçaq. Yazuçılar Soyuzınnan 15 wäkilneñ baruı kötelä Anda oçraşular, fiker alışular qaralğan. Cıyınnıñ programması xaqında Wäliulla Yaqub

Çaralar säğät 10да başlana. Maxsus säxnä quyılaçaq. Anda wäğäzlär, möftilär çığışlar, teatral''läşkän küreneşlär bulaçaq. Säğät berdä öylä namazı. Annan soñ çaralar däwam itäçäk. Barlıq tezläwçelärne çaqırıp qalabız.

Cıyında şulay uq säwdä noqtaları eşläyäçäk. Qorban çaluçılar da bulır dip farazlana.

Landış Xarrasova