1989 yıldan birle dönyada 11 yün Xalıq sanı torışı dip atalğan xalıqara köne bilgeläp ütelä. Ä bügenge köndä Dönyada 6 milliardtan artıq keşe isäplänä. Yıl sayın 77 millionğa arta tora. Belgeçlär isäpläwençä 2050 yılğa cir şarında urtaça 9 milliardtan artıq keşe yäşär dilär. Böten dönyada xalıq sanı artqanda ber waqıtta, cirneñ 7 dän ber öleşen alıp torğan Rusiädä yıl sayın xalıq ber millionğa kimi bara. Bu ni öçen şulay. Belgeçlär küp törle fiker belderä. Ä xalıq ni uylıy.
Bala tapmağanğa ğına menä ber genä säbäp.
Minemçä, bu eş xaqına bäyle. Rusiädä eş xaqı bik tübän, ä balalarnı üsterü, tärbiäläw öçen aqça bik küp kiräk. Häm şunıñ öçen dä Rusiä xalıq sanı bik tübän. İkençedä bügenge köndä ällä nindi awırular bar häm xalıq şunnan bik küp ülä.
Keşe qädere betä minemçä.
Monıñ säbäpläre bik küp. Äytik, aktiv räweştä narkomaniä tarala, yäşlär arasında bigräk tä. Ğomumän xäyerçelek däräcäsendä yäşi bit bezneñ xalıq, şunlıqtan da xalıq sanı da kimi.
Balanı tapqaç üsterergä, tamağın tuydırırğa, uqıtırğa kiräk. Ä küp kenä keşeneñ monıñ öçen mömkinlege yuq.
Xezmät xaqı az tülägänlektän, şunıñ öçen yäşlärneñ bala qararlıq xälläre yuq.
Küp kenä yäş ğailälär balalar tabarğa qurqa, çönki alarnıñ torır urınnarı yuq.
Gölnaz Şäyxetdin
