Tatarstanda yuğarı uqu yortlarına uqırğa kerü näticäläre bilgele buldı. Bıyıl respublikada 30 meñ student köndezge bülektä belem alaçaq. Alarnıñ yartısı byudjet xisabına, ä qalğan yartısı üze tüläp uqır. Yäşlär arasında şulay uq populyar bulıp iqtisat belgeçlege qala birä. Abiturientlar xäzerge waqıtta xezmät bazarınıñ iqtisatçılar belän tulğanlığın uylamıy. Añlıraq yeget-qızlar isä hönär bularaq jurnalistikağa küz sala başladı. Anda bıyıl ber urınğa 11 keşe däğwä itkän. Anıñ qarawı jurnalistlarğa digän byudjet urınnarı kimegän. Bıyıl ul 15тән 13кә qalğan. Bügen bez qazanlılardan sez nindi belgeçleklärne kiräkle häm aktual' sanıysız dip soraştıq.
Minemçä, bügenge köndä zavod-fabrikalarda eşläwçelär kiräk. Qızğanıç, xäzerge yäşlär ciñel genä belgeçleklärne saylıylar. Bu bik ük döres tügel, çönki barıbız da ekonomist, yurist bulsaq qara eşlärne kem eşlär. Şuña kürä yäşlär zavodlarğa eşkä barsınnar ide.
Här hönär dä kiräk inde ul. Läkin küp kenä balalar yuğarı belem alıp, eşkä kerä almıy. Nindi eş turı kilsä, şul eşkä riza bulıp eşläp yörilär.
Tatarstanda barlıq tarmaqlar buyınça da diärlek yuğarı belem alıp bula. Yäşlärneñ yuğarı belemgä omtıluı bik yaxşı, ämma läkin bezdä eşçe köçlär citmi.
Xäzerge zamanda menedjer, ekonomist, yurist kebek belgeçleklär bik küp. Alarnıñ härqaysı üz urınında kiräk.
Härwaqıttağıça bügenge köndä dä meditsina xezmätläre aktual' bulıp tora.
Gölnaz Şäyxetdin
