Bıltır “Tatar yäşläre könnär” İdel yılğası buyındağı “İdel” turistlıq lagerında uzğan ide. Bu yulı älege çaranı oyıştıruçı “İdel” yäşlär üzäge Qazan çitendäge Tatarstan xalqı belä torğan “Krutuşqa” şifaxanäse häm qışın da suı bozğa äylänmi torğan “Zäñgär kül” qırıyındağı “Baytik” lagerın saylanğannar. Tabiğät qoçağında, urman eçendäge lagerda Rusiäneñ 20гә yaqın töbägennän kilgän yäşlär başta ber-berse belän tanıştılar. Alarnı tatar yäşläre dip tä äytäse kilä, läkin menä äle Tatarstanğa kilep berniçä kön ütkäç kenä tatar telendä beraz söyläşä başladılar. Şuña da qaramastan, Tatarstannıñ yäşlär ministrlığınıñ “İdel” yäşlär üzäge citäkçese Miläwşä Şärapova, şul uq üzäkneñ xezmätkäre Mörşidä Fatıyxova häm başqa oyıştıru komitetı äğzaları töbäklärdän kilgän yeget-qızlarnı tatarça söyläşergä öndilär, qat-qat iskä töşerälär. Kiçke uyınnarğa, diskätükkä maxsus çaqırılğan, Qazanda tatarça diskätüklär yasağan di-djey Şäkert alarnı bilgele tatar cırçılarınıñ sikerep bii torğan cırlarına, köylärenä bietä. Töbäklär digändä, monda Samara delegatları üz maşinaları belän kilgännär. Bıltır Başqortstannan “Tatar yäşläre könnäre“nä iñ küp yäşlär kilsä. Bıyıl alar 3 kenä keşe. Qalğan töbäklär Çiläbe, Yekaterinburg, Mäskäw, Volgograd, Sarıtaw, Novosibirsk, Irınbur, Penza, Tömän, Saratov, Mari-el', Ulyan, Latviä häm Qazaqstan kebek BDB illärennän dä yäşlär bar. Aralarında berniçä yıl rättän kilüçeläre dä kürenä, şulay da alar bıyıl küp tügel. 16нчы “Tatar yäşläre könnäre”yendä bıyıl kübräk yaña yäşlär qatnaşa. Alarnıñ härberse älege çarada qatnaşu öçen oyıştıruçılarğa 3000сум tülägännär. Bıyılğı “Tatar yäşläre könnäre”neñ programması da niçawa ğına häm ul paçti şul tärtiptä bara. Berençe könne älege çaranı tantanalı itep, üzläre quyğan konsert nomerları belän açıp cibärsälär, ikençe könne Tatarstannıñ Arça rayonın, Tuqay-Qırlaylarnı kürep qayttılar. Samara delegatları “Şığır bäyräme”, Yekaterinburg “Ğiffät tutaş” konkursı, Başqortstannar lagerda “Sabantuy” oyıştırdılar. Başqa delegatlar da üzläreneñ talantların kürsättelär. Bolardan tış “Tatar yäşläre könnäre” delegatları Qazannan kilgän qunaqlarnı tıñlap alar belän aralaşıp aldılar. Qunaqlarğa kilgändä, Bötendönya tatar kongressınıñ, töbäklärdäge häm Tatarstandağı tatar yäşläre belän şöğellänüçe byuro citäkçeläre, tatar ğalimnäre, KDUnıñ tatar filologiäse fakul'tetı dekanı, xäzrätlär, tatar kinosı, televideniese yoldızları, Qamal teatrı artistları, Çallı tatar yäşläre diseñme, barsı da bar anda. Älfiä Afzalovanıñ Rusiäneñ törle töbäklärennän kilgän yäşlärgä säğätkä yaqın konsert quyuın äytkändä yuq inde. Qazandağı al'ternativ tatar cırçıları, törkemnäre dä yäşlärgä , tatar yäşlärenä üzlären kürsätep kittelär. Läkin şundıy qızıqlı çaralar küp buluğa da qaramastan “Tatar yäşläre könnäre”nä kilüçelärneñ qayberläre tatarça çaralarda qatnaşmasqa tırışa, Volgogradtan kilgän qızlar tatarça 3 süz belälär mikän, alar bötenläy ğädäti yalğa kilgännär. Başqa qayber delegatlar arasında da andıylar bar.
Röstäm İsxaqi
