Ufa “Nur” tatar däwlät drama teatrı kollektiwı 12-19 sentäbr könnärendä Ufada ütäçäk zur bäyrämgä äzerlänä. Elegräk tä xäbär itelüençä, kiläse atnada Ufada törki telle teatrlarnıñ IV xalıqara teatr festiwale başlana. Anda “Nur” tatar teatrı tamaşaçılarğa üzläreneñ yaña eşen – “Ciznäkäy” qomediäsen täqdim itä. Comğa könne teatr kollektiwı şuşı bäyrämgä soñğı äzerleklär turında söyläşü ütkärde.
Fiker alışuda “Ciznäkäy”ne säxnägä quyğan rejisser İldar Wäliev häm anda uynawçı artistlar qatnaştı. “Tuğanlıq” teatrlar bäyräme 12 sentäbr könne Mäcit Ğafurıy isemendäge Başqort däwlät aqädemiä drama teatrı binası qarşında uramdağı teatrlaştırılğan tamaşa belän açıla. Annan bu teatrda berençe tamaşa da kürsätelä – aqädemteatr artistları “Ural batır” eposına nigezlänep säxnägä quyılğan spektäklne qarıy.
Ä Ufa “Nur” teatrı sänğätkärläre festiwälneñ ikençe könendä – 13 sentäbrdä çığış yasıy. Rejisser İldar Wäliev äytüençä, teatr uzğan yılğı icat mizgelen şuşı premeräsı belän yapqan ide häm ul tamaşaçılar küñelenä xuş kilgän. “Tuğanlıq” bäyrämendä dä bu tamaşabıznı oşatırlar”, - dip ışana İldar äfände.
“Ciznäkäy” dä töp rol'lärneñ bersen başqaruçı tanılğan aqtrisa Säwiä Sirayıwa süzlärençä, “Tuğanlıq” törki telle teatrlar festiwalendä qatnaşu üze ber däräcä häm anda yözgä qızıllıq kilmäslek çığış yasaw lyäzim.
Sirayıwa – "Küpme teatrlar kilä bezgä monda. Küpme kürenekle artistlar belän tanışabız, alarnıñ uyının qaraw bäxetenä ireşäbez. Bu üzençä täcribä tuplaw mäktäbe dä."
Şulay itep, Ufadağı törki telle teatrlarnıñ dürtençe bäyrämenä dä sanawlı ğına könnär qaldı. Anda Başqortstan belän Tatarstannan, Rusiäneñ başqa töbäklärennän, yaqın çit illärdän häm Törkiädän cämğıse 13 teatr qatnaşa.
Fänis Fätxi, Ufa
Fiker alışuda “Ciznäkäy”ne säxnägä quyğan rejisser İldar Wäliev häm anda uynawçı artistlar qatnaştı. “Tuğanlıq” teatrlar bäyräme 12 sentäbr könne Mäcit Ğafurıy isemendäge Başqort däwlät aqädemiä drama teatrı binası qarşında uramdağı teatrlaştırılğan tamaşa belän açıla. Annan bu teatrda berençe tamaşa da kürsätelä – aqädemteatr artistları “Ural batır” eposına nigezlänep säxnägä quyılğan spektäklne qarıy.
Ä Ufa “Nur” teatrı sänğätkärläre festiwälneñ ikençe könendä – 13 sentäbrdä çığış yasıy. Rejisser İldar Wäliev äytüençä, teatr uzğan yılğı icat mizgelen şuşı premeräsı belän yapqan ide häm ul tamaşaçılar küñelenä xuş kilgän. “Tuğanlıq” bäyrämendä dä bu tamaşabıznı oşatırlar”, - dip ışana İldar äfände.
“Ciznäkäy” dä töp rol'lärneñ bersen başqaruçı tanılğan aqtrisa Säwiä Sirayıwa süzlärençä, “Tuğanlıq” törki telle teatrlar festiwalendä qatnaşu üze ber däräcä häm anda yözgä qızıllıq kilmäslek çığış yasaw lyäzim.
Sirayıwa – "Küpme teatrlar kilä bezgä monda. Küpme kürenekle artistlar belän tanışabız, alarnıñ uyının qaraw bäxetenä ireşäbez. Bu üzençä täcribä tuplaw mäktäbe dä."
Şulay itep, Ufadağı törki telle teatrlarnıñ dürtençe bäyrämenä dä sanawlı ğına könnär qaldı. Anda Başqortstan belän Tatarstannan, Rusiäneñ başqa töbäklärennän, yaqın çit illärdän häm Törkiädän cämğıse 13 teatr qatnaşa.
Fänis Fätxi, Ufa
