-Vladimir Vladimiroviç, Sez qayçannan başlap tatar mädäniäte ähellärenä yöz belän borılaçaqsız häm alarnıñ matdi xällären yaxşırtu buyınça däwlätküläm möhim çaralar küräçäksez?
-Rusiädä zur wazifa üti torğan urınnarda tatarlar küplär, mäsälän Rusiäneñ eçke eşlär ministrı bulıp tatar keşese eşli. Bu da bik yaxşı. Xäzer tatarnı Rusiä prezidentı itep quyarğa kiräk. Vladimir Vladimiroviç Putin üze ikençe sroknı tutıra bit inde.
-Bez , Quqmara rayonı awılınnan - uqıtuçılar. Bezneñ çın tatar mäktäbe. Bezneñ balalarıbızğa komp'yuterda eşlärgä öyränergä kiräk. Mäktäptä 161 bala bar , 8 genä iske komp'yuterıbız bar. Mäktäpkä yaña komp'yuter klassı kiräk. İnternetqa çığarğa da mömkinçelek tik TR mäğärif ministrlığına qädär genä. Ä bezneñ dönya küläm internetqa çığasıbız kilä häm balalarıbız da şuña öyränä alsın ide”,- dibez.
- Minem isemem Älfiä. Min bank sistemasında eşlim. Tatarstanğa kübräk ireklek kiräk. Nijegorodskaya ölkälärgä buysınunı elekkege xälenä qaytarsınnar ide. Buysınulıq betsä, bez Tatarstan respublikasın alğa cibärü öçen bez kübräk eşläyäçäkbez. Tatarstan üze suverenitet däwlät bulıp qalsın ide. Şunıñ buyınça yaña- zakonnar qabul itsennär ide.
Vladimir Vladimiroviç! Tatarstanğa möstäqillek biregez!-dip äytmäkçe bulam. Tatarstanğa ekonomik iqtisadıy möstäqillek biregez dip soramaqçı bulam. Ämma ul anı ber qayçan da birmäyäçäk anı.
Ul bezneñ sorawlarnı ütägän keşe bulmas, axrısı.
Äzräk aqça biregez, ipi biregez, ipi yuq. Miña 82 yäş, min pensiädä 1200 sum aqça alam.
Prezidentqa sorawım şundıy: Min ğadi mäktäptä eşläwçe ğadi uqıtuçı. Minem tormış iptäşem konservatoriädä eşli. Professor, dekan urınbasarı, bik küp däräcäle isemnäre bar. İptäşem xezmät xaqın minnän äz ala. Min mäktäptä eşläsäm dä. Minem xezmät xaqım anıqına qarağanda 1000гә kübräk. Çirattağı yal waqıtım da kübräk.
Tatar xatını bularaq, anıñ aldında miña oyat, annan kübräk aqça alu.
Konservatoriädä ber uqıtuçınıñ da däräcäle isemnärenä östämä aqça tülänmi. Şul turıda uylasınnar ide.
Kiräk närsä dip tapmıym min anı. Bu küz buyaw ğına. Älbättä, uzğan yılda niçä million soraw birep, 51нә genä cawap birgän. Bu, üzen kürsäter öçen genä,- dip uylıym.
Mälikä Basıyr
