Sergey Morozov xakimiätkä kilgäç, Säyäsi ezärlekläwlär qorbannarına bağışlanğan tıynaq qına häykäl açılğan ide. Anda menä nindi yazma da bar: “1917 – 50 yıllar arasında ölkädä 22000 keşe ezärleklängän, 2000 artığı atıp üterelgän”. 30- oktäberdä töştän soñ anda xoquq saqlawçılar piket uzdırdılar. Alar kilgänçe ük häykäldä 30га yaqın çäçäk bäylämnäre bar ide. Alarnı quyuçılardan 3 keşe kemnärne yuğaltuları belän dä urtaqlaştılar.
(1938-yılda äti yapan şpionı dip qulğa alınğan, ä äni – nindider dokument yuğaltqanı öçen.
Minem äti-äni monda tügel – Jitomirda, Uqrainada. 10 yäştä min yätim qaldım, ätiem alman ruxaniı – pastor ide, şunıñ öçen qulğa alğannar.
Äbiebez ätisez qalğan änine häm üz onıqların qotqaru öçen, bezne aşatqan, ä üze açqa ülgän)
Ä bilgelängän waqıtqa – 15 säğätkä xoquq saqlawçılar ğına tügel, “Alma” firqäseneñ Yäşlär qanatı, Milli bol'şevik – “Natsbol”lar yäşläre, “Sistemağa qarşı watandaşlar frontı” digän oyışma wäkilläre dä kilgännär ide. Soñğılarınıñ “Politkovskaya, YUKOS… ä artaban kem?” digän şiğar'läre YUKOS belän Politkovskaya arasında nindi urtaqlıq taptığız?” digän soraw da uyattı. Menä cawapları
(Politkovskayanı üterü dä, YUKOS eşe dä – syääsi aktlar. Biznesmen da, jurnalist ta bügenge säyäsätkä qarşı çıqtılar).
Ä Natsbollarnıñ maqsatı üz fikerdäşlären totqınlıqtan çığaru häm alarnıñ isemen ağartu ikän
“Bezgä 37-yıl da citkän!” digän şiğar bügen dä terror ğämälläre ixtimal digän fiker tudıra. Ällä çınlap ta şulay uylıysızmı?” digän soraw tudırdı
(Äye, terror başlandı. Ämma älegä ğammäwi tügel – saylap-saylap qına. Kozlov belän Politkovskayanı xakimiätne önämäw berläşterä. Ä monı Kreml' dä añlıy).
Xoquq saqlawçılar menä nindi şiğar'lär totqannar:
“Säyäsi totqınnarnı irekkä çığarunı taläp itäbez!”
“Referendum turındağı xalıqqa qarşı yünältelgän qanunnı yuq itegez!”
“Prezident! Yuriy Şçekoçixinnı üterü tiräsendäge tomannı taratığız! Politkovskayanı üterüne oyıştıruçılarnı häm başqaruçılarnı tabıp cawapqa tartırğa waqıt!”
“Xoquq saqlawçılarğa yala yağunı tuqtatığız!”
“Prezident! Jirinovkiylarnıñ cirnıylanuları waqıtında - xalıqnı aç totu säyäsäten tuqtatığız!”
Şundıyraq taläplär belän 20ләп keşe basıp tora ide.
Arada berse 30 oktäberne Säyäsi qorbannarnı iskä alu köne dip kenä tügel – säyäsi qor'bannar köne dip tä sanıy. Anı totıp torğan Mönir Nasıyrov räsmi isemne bozunı menä niçek añlattı.
(Säyäsi ezärlekläwlär äle dä bara. Saxarov üzägendä 70 çaması äsirne terkägännär.
Ä törle firqälärne häm sezne närsä berläşterä?
Xakimiätneñ bügenge säyäsäten döres tügel dip sanawçılar kilde monda. Alar ildäge xällärgä borçılalar, araqı eçep yörmilär, ezlänälär. Bälki bu yäşlärgä kiräkle yünäleş birergä kiräkter. Alar da Putinnıñ “Sorawlarğa cawaplar” digän uyınına ışanmıylar. Çınlap ta, Putin xalıqnı sarıq kötüe dip sanıy kebek. Putinnıñ süzläre häm ğämälläre 1937 yılda bulğan waqiğalar bügen dä mömkin buluı mömkin digän şiklär dä uyata kebek.)
Piketçılar belän Ayrat İbrahim aralaştı, Sember
