Möselman dini mäğärif sistemasın yañartuğa bağışlanğan konferensiägä Rusiädäge törle dini uqu yortlаırı citäkçeläre yäki alarnıñ urınbasarları kilgän ide. Rusiä Prezidentınıñ İdel buyındağı wäkillek apparatınıñ belgeçe Viktor Karpov isä däwlät dini belem mäs’äläsendä yärdäm itärgä äzer, ämma ul Rusiä qanunı nigezendä bulırğa tieş dip äytte. Bilgele bu oçraqta berniçä yıl elek törle uqu yortlarında dini ağımnar barlıqqa kilü, ayırım alğanda wahhabçılarnı tärbiäläw istä totılıp äytelgänder. Çeçnyadan kilgän Ä. Kadıyrov isemendäge islam institutı prorektorı Soltan Tagaev bolay dide
Çeçnyada elek dini uqu yortlaırında wahhabçılıq ideyäläre birelsä, xäzer tikşerü qatı alıp barıla. Bezdä xäzer barı traditsion İslam ğına uqıtıla.
Soltan Tagaev konferensiädä Çeçnyada xäzer barı traditsion İslam ğına xökem sörä, şuña bezne başqalardan bülep qararğa kiräkmi. Mondıy konferensiälärgä härdaim çaqırıp torsağız ide dip belderde.
Çeçnyanı başqalardan bülü digännän, konferensiädä isä törle Diniä Näzarätläreneñ ber-bersennän bülenüe yäğni dustanä mönäsäbättä bulmawına uqu yortlarınıñ sıyfatında da çağıla dielde. Bu konferensiägä isä möfti Tälğät xäzrät Tacetdin kilgän ide. Tälğät Tacetdin
Xristiannarğa, möselmannarğa, yähüdlärgä, buddistlar üz dinen çağıldırğan ber kitap äzerlärgä dä anıñ buyınça mäktäplärdä, urta häm yuğarı uqu yortlarında uqıtırğa.
Konferensiädä İslam uqu yortlarına litsenziä birü-birmäw mäs’äläsenä şaqtıy tuqtaldılar. Çönki küp kenä dini uqu yortların tanımaw bügen küzätelä. İldus Zahidullin
Bügen dini belem alğan öçen genä uquçı dönyawi belem aluçılardan kim bulırğa tieş tügel. Bu alarnıñ grajdannar xoquqı.
İldus Zahidullin äytüençä, bügenge köndä birelgän dini belem başqalar belän köndäşlek itärlek bulırğa tieş. Monıñ öçen bilgele yaxşı belgeçlär kiräk. Konferensiädä isä iñ yaxşı uquçılarnı çit ildä uqıtıp magistr däräcäsendä kire üzebezgä qaytarırğa kiräk dielde. Bügen Rusiädä dini belgeçlek buyınça 3 kenä magistr bar ikän. Anıñ, ikese Mäskäwdä, berse Qazanda. Mäskäw islam universitetınıñ prorektorı Gölfiä Xäbibullina isä berençe yıllarnı şaqtıy awır buluın söyläde. Gölfiä Xäbibullina
Törle dönyawi belemnärne birüçe professorlar şaqtıy köçle ide, ä dini belemnärne birüçelär alar arasında yuğalıp qaldılar. Kiräkle belgeçleklär citep betmäwne şäkertlär dä assızıqlap uza. Rusiä İslam universitetınıñ Şäriğät bülegendä belem aluçı İl'sya Miftaxov
Böten sorawlarğa da cawap birerlek uqıtuçılar kiräk. Bilgele çittän kilgän möğallimnär bar, ämma üzebezneñ traditsiägä nigezlänep belem birüçelär bulsın ide.
Konferensiädä İldus Zahidullin berençe çiratta uqıtu standartların buldıru zarurlığın äytte. Berdäm programma kiräk. Şulay uq bügen här dini uqu yortı üz qazanında qaynıy dip assızıqladı. Nindider ber berläşü yuqlığına borçılu belderelde.
Landış Xarrasova
