Şähärneñ näq üzägendä – Gonçarov häm lenin uramnarı çatında 20дән artıq keşe törle eçtälekle şiğar'lär belän basıp tordılar. Militsiä xezmätkärläre dä baytaq ide. Şiğar'lärneñ mäğnäse, nigezdä, süz iregen däğwälaw, ildäge qanunsızlıqqa çik quyu taläpläre. Menä qayberläre:
Üterüçelärne tabarğa häm cawapqa tartırğa
Politkovskaya – xaqiqät qorbanı
Süzdän qurıqqan xakimiät üzeneñ xaqsızlığın añlıy…
Piketta xalıqnıñ az buluına oyıştıruçılar da borçılalar. Şulay da älege çaranıñ faydasına ömetlänälär alar. Nigezlämäläre menä nindi:
Gorbaçev cepşeklege dä dissidentlar tırışlığı arqasında başlandı, alar da az ide başta – soñnan xalıq ta añladı.
Uram buylap küp keşelär uza, alar bezneñ şiğar'lär belän tanışıp kitälär, qızıqsınalar. Dimäk, alar da uylana başlarlar.
Anna Poitkovskayanı üterügä bağışlanğan maxsus gäzit taratabız. Ul da üz rolen uynar, dip ömetlänäbez
Şul gäzit belän qısqaça tanıştırıp kitü dä urınlı bulır kebek. İseme “Soyuz jurnalistov” dip kenä birelgän. Ul satuğa çıqmağan – quldan-qulğa ğına taratıla.
Gäzitneñ 14 bitendä berär bağana Rusiä buyınça bäysez basmalarnıñ isemlegenä birelgän. Logotipları diärgä kiräk inde. Berençe säxifäsendä Rusiä jurnalistları berlege sekretariatınıñ belderüe birelgän. 7 säxifäne Politkovskayanı üterügä bäyälämälär urın alğan. “Novaya gazeta”nıñ tikşerü bülegenekeneñ iseme ğibrätle: “Farazlar – bixisap. Töp farazlar öçäw, ägär Putin fikeren sanamasañ”.
Çit illär gäzitläre fikerläre ayıruça kisken. Arada Jfk Şiraq, Viktor Yuşçenko kebek säyäsmännärneñ dä teläktäşlek xatları da bar.
Gäzitneñ näq urtadağı ike säxifäsen Polikosvkaya yazmaları nigezendä açılğan cinayät eşe turında mäğlümätlär häm märxümäneñ “Min, xäşärät, (podlaya) nindi naçarlıqlar eşlädem soñ?” dip atalğan ämma moña qadär dönya kürmägän yazması.
Ä 10 – 11 säxifälärdä – Çeçenstan suğışı waqiğaları turında basılğannarı. İseme dä ğibrätle: “Säwdä yünäleşle konslager' – “Konslager' s kommerçeskim uklonom”. Keşelärne äsirgä alıp satu yäki talaw turında faktlar tuplanğan anda. Çeçenstan suğışınıñ asılı näq şul ikänen añlata inde bu yazma. Şunda uq märxümä layıq bulğan 20 premiä-büläklär isemlege.
Artaban 1992-2006-nçı yıllarda üterelgän yäki häläk b'ulgan jurnalistlar isemlege. Çäçärläreñ ürä torırlıq: şul arada 211 jurnalist yaqtı dönyadan kitkän. Soñğısı – Politkovskaya. Älegä.
Ayrat İbrahim, Sember
