Qunaqlarnı Rizaeddin Fäxretdin isemendäge 1нче gimnaziä uquçıları cır-biyu belän qarşı aldı. 16 rayonnan kilgän mäğärif idäräläre citäkçeläre häm 12 rayonnıñ kongress cirle oyışma wäkillärenä ber keçkenä Gazel' avtobusı häm ike maşina belän kilgän qazanlılar da östälde. Alar arasında Tatarstan Däwlät şurası deputatı Robert Miñnullin, Mäğärif häm fän ministrlığınıñ milli mäğärifne üsterü bülege citäkçese Raif Zinnätullin, Xökümätneñ Tatarstandağı xalıqlar mädäniäten häm telen üsterü bülegeneñ baş kiñäşçese Firaya Şäyxieva häm başqalar bar ide. Aldan isä bik küp türälär bara dip wäğdä itelsä dä, törle säbäplär arqasında alar kilä almadılar dielde. Tatarstan Däwlät Şurası deputatı Robert Miñnullin
Bötendönya tatar kongressına 30 keşe kerä, läkin monda anıñ 3се genä qatnaşa. Menä şul säbäple problemanı xäl itü dä şul däräcädä genä bara da inde.
Robert Miñnullin äytkän 3 byuro äğzası isä möxtäriät räise Rimzil Wäliev, 2нче tatar gimnaziäse direktorı Kämäriä Xämidullina häm saylanıp tügel, ä bilgelänep quyılğan Renat Wäliullin bar ide. Utırışta isä töp çığışnı da Renat Wäliullin yasadı. Anıñ süzlärenä qarağanda tatar kongressı 2005 yılnıñ yazında cämäğät, xökümät äğzaları, xoquq belgeçlärennän torğan törkem Tatarstannıñ tatar mäktäpläre bulmağan rayonnarına barğan. Renat Wäliullin
Törkem yuğarı Oslan, İske Çüpräle, Bazarlı Mataq, Bua, Bolğar, Alekssewski, Layış, Balıq Bistäse, Piträç, Aqsubay, Nurlat, Biektaw, Mamadış, Yaña Çişmä, Çirmeşän, Ägerce cirleklärendä buldı.
Renat Wäliullin tatar mäktäpläre bulmağan härber rayon buyınça añlatma birde. Mäsälän Çüpräledä rayon mäğärif bülege başlığı İske Çüpräle awılında tatarlar tatar mäktäbendä uqi başlasa, çuaşlar qayda uqır dip beldergän. Çönki älege awılda 50 protsent çuaş häm 50 protsent tatar yäşi ikän. Biektawda isä tatar mäktäben tözergä rayon byudjetında aqça yuqlıqqa sıltağannar. Qısqası, härqayda nindider säbäp tabılğan. Moña isä Tatarstannıñ mäğärif häm fän ministrlığınnan Raif Zinnätullin
Bilgele bu mäğärif sistemasındağı keşelärneñ eşläp citkermäwe, bez monı kontrol'dä totaçaqbız kiläçäktä.
Raif Zinnätullin bügen respublikada 1200гә yaqın tatar mäktäbe eşli dip belderde. Bolarnıñ küpçelege bilgele awıl cirlärendä.
Xökümät wäkile Firaya Şäyxieva bezneñ respublikada tatar mäktäplären açu öçen böten qanunnar da, programmalar da eşlängän, qalğanı üzebezdän genä tora dip belderde. Monı isä Robert Miñnullin da assızıqladı. Robert Miñnullin
Bezdä tatar mäktäben açmas öçen meñ törle säbäp tabalar. Mäğärif ministrlıyğında cıyılışlar uzdırıp qına tatar mäktäben açıp bulmıy. Monda här rayon citäkçese belän ministr ayırım söyläşergä tieş. Barı şul çaqta ğına nindider näticälärgä ireşep bulaçaq. Tatar mäktäben açunı ictimaği oyışmalar tügel, ä xakimiät xäl itärgä tieş. Kongress yärdämçe genä bulırğa tieş.
Robert Miñnullin programmalar ütälä, ämma tatar tele rus tele belän yarışırlıq däwlät tele bula almıy dip assızıqladı.
Robert Miñnullin soñğı bulıp çığış yasadı. Annan soñ barlıq qunaqlar Riza Fäxretdin tuğan Kiçüçat awılına yul tottılar. Anda alar ğalimneñ muzee häm mäktäp belän tanıştılar.
Landış Xarrasova
