Bügen Fransiädä Möhämmäd päyğämbärne mısqıllap sürätlägän räsemnärne bastırğan "Charlie Hebdo" jurnalı östennän mäxkämä eşe başlandı. Ğäyepläwne Cämiğ Mäçete häm Fransiäneñ İslam Oyışmaları Berlege beldergän. Mäxkämä utırışında, Fransiä eçke eşlär ministrı Nicolas Sarkozy'nıñ xatı uqıldı. Xatta – karrikatular az bulğançı, kübräk bulsın, dielgän. Küzätüçelär fikerençä, älege xökem eşe – süz irege belän dini xislär arasında tögäl genä ber çikneñ bulmawın kürsätä. Ğäyeple dip tabılğan xäldä jurnal möxarrirenä 6 ayğa qadär törmä häm 30 meñ dollarğa yaqın aqça cäzası yanıy.
