30 iyün könne Çiläbedä 7 Federal' Sabantuy uzaçaq. Bilgele bulğança, Federal' sabantuy yıl sayın Rusiäneñ berär şähärendä oyıştırıla häm anda barlıq diärlek töbäklärdän millättäşlärebez qatnaşa. Çiläbedä uzaçaq Sabantuy uñayınnan bu könnärdä bäyrämneñ oyıştıru komitetı utırışı ütkän.
Çiläbedäge Federal' Sabantuy şähärneñ yaña ğına tözelgän stadionında uzaçaq. Milli bäyrämne oyıştıru komitetı wäkilläre şulay xäl itkän. Berniçä cirne qarap yörgäç, alar şunda tuqtalğannar. ki, Çiläbe xakimiäte öçen bu bik qimmätkä töşkän qäderle urın di. Läkin Federal' Sabantuy bulğaç birergä bulğannar. Ni disäñ dä oyıştıru komitetın Çiläbe gubernatorı üze citäkli. Älege stadionda tuqtalu şunıñ belän dä bäyle - anıñ artında ğına küle bulğan zur park bar ikän. Oyıştıru komitetı utırışında milli bäyrämgä äzerlekneñ barlıq neçkälekläre tikşerelgän. Anda Çiläbedän Xökümät wäkilläre, Tatarstan yağınnan mädäniät ministrınıñ berençe urınbasarı Aydar Ğaynetdinov, Bötendönya tatar kongressı Başqarma komitetı räiseneñ berençe urınbasarı Renat Wäliullin, federal' sabantuylar rejisserı - Xalisä İsmäğileva qatnaşqannar. Tatar kongressı xezmätkäre Renat Wäliullin belderüençä, milli bäyrämgä äzerlek tulı köçkä bara ikän. Renat Wäliullin:
Eşlägän eşläre şaqtıy küp. Mäsälän, Çiläbedä bäyrämneñ rejissurası buyınça törkemne saylap quyğannar, yäğni ayırım ber firma şöğellänä. Bez bu ölkädä inde üz täcribäbez barlığın belderdek häm şul nisbättän älege törkem wäkilläre yaqın tirädä Qazanğa kilep däreslär alıp kitäçäkRenat Wäliullin süzlärenä qarağanda, Çiläbe yağınnan oyıştıru komitetı wäkilläre Sabantuyğa kerüne çaqıru biletları belän eşlärgä täqdim itkännär, çönki Stadionğa 6 meñ keşe genä sıya ikän. Ä Sabantuyğa isä yıl sayın 60 meñläp keşe cıyıla. Läkin qazanlılar monıñ belän kileşmägän. Renat Wäliullin:
İnde ğadät buyınça, här Sabantuyğa nindi dä bulsa Tatarstan rayonı cawaplı bula. “TR Prezident Apparatı belän kileşüe näticäsendä, Çiläbedäge Federal' Sabantuyğa cawaplı itep Nurlat rayonı bilgelände.
Renat Wäliullin äytüençä, Sabantuyda 40тан artıq Rusiä töbäklärennän millättäşlärebez qatnaşır dip kötelä. Läkin oyıştıru komitetı utırışı waqıtında Başqort qorıltayı wäkilläre şaqtıy üzençälekle üz täqdimnären dä kertkän. Renat Wäliullin :
Çiläbedäge başqort Qorıltayı wäkilläre Sabantuynı Başqortstannıñ Rusiägä irekle räweştä quşıluına 450 yıllıq nigezendä uzdırırğa soradılar. Läkin bez bäyrämne säyäsät belän bäylämibez dip añlattıq.Tatar kongressı räise urınbasarı Renat Wäliullin belderüençä, Sabantuy ul tatar bäyräme, anda här millät wäkilenä şat bulaçaqlar, ämma säyäsät belän bäyläw bulmayaçaq.
Renat Wäliullin äytüençä, oyıştıru komitetı utırışında tatar köräşe turında şaqtıy süzlär bulğan. Çiläbe wäkilläre üteneçe buyınça köräş öçen cawaplı wäkillär aldanraq barıp anda uqular uzdıraçaq.
Landış Xarrasova
