3-10 iyün könnärendä Rusiädä Soğub Ğäräbstanı mädäniäte Festivale uza. Anı oyıştıru Rusiä Prezidentı Vladimir Putin yöklämäse belän başqarıla. Bilgele bulğança, prezident fevral'dä Soğub Ğäräbstanına eşlekle säfär belän barğan ide häm mädäniät könnären uzdıruğa şunnan soñ qarar qılınğan. Bu çara yärdämendä Rusiä belän Soğub Ğäräbstanı arasındağı xezmättäşlekne nığıtu küzdä totıla häm äytergä kiräk mädäniät ölkäsendä genä tügel.
Mäskäwdä başlanıp kitkän Soğud Ğäräbstanı mädäniät festivale Tatarstanda däwam itä. Mädäniät könnäre qısalarında bik küp çaralar qaralğan.
Pänceşämbe könne Tatarstannıñ Mädäniät ministrlığı belän Soğud Ğäräbstanı mädäniät häm mäğlümat ministrlığı arasında Kileşü imzalandı. Soğud Ğäräbstanın kübese yabıq, yäğni mädäni tormış alğa kitmägän däwlät kebek küzallıy. Şuña jurnalistlar Kileşü imzalanğaç Tatarstan mädäniät ministrı Zilä Wäliewa häm Soğud Gäräbstanı mädäniät häm mäğlümatlaştıru ministrı İäd bin Amin Mädänigä älege ike yaqlı dokumentta närsälär salınğanı belän qızıqsındılar. Zilä Wälieva:
Mädäniät aşa il belän tanışu mömkinçelege - nindi cırlar cırlana, iyüllär kürsätelä. Alarnıñ tarixın, mirasların belü kiläçäk xezmättäşlekkä nigez bulıp tora.Tatarstan premyer ministrı urınbasarı - Tatarstan mädäniät ministrı Zilä Wälieva belderüençä, kiläçäktä tanışu öçen yazuçılar häm jurnalistlardan torğan delegatsiälärneñ ike yaqlı säfärläre kötelä. Soğud Ğäräbstanı mädäniät häm mäğlümatlaştıru ministrı İäd bin Mädäni
Maqsat itep Soğud Gäräbstanı mädäniäte belän tanıştıru tora, ayırım alğanda ğäräp biyue, ğäräp cırları, sänğät'ne, ğäräp kinosın, ğäräp kiemnäre, ayırım alğanda tuy külmäklären kürsätü tora
Ministr İäd bin Amani Mädäni belderüençä, Soğud Ğäräbstanı şaqtıy zur il häm mädäni yaqtan täqdim itärlek baylıqlar şaqtıy küp ikän.
Qazandağı festival' qısalarında isä “Mir” kinoteatrında ike kön ğäräp kinosı kürsäteläçäk, comğa könne Milli sänğät galereyasında “Mäkkä häm Mädinä ike izge şähär”, digän kürgäzmä uzaçaq, şulay uq sınlı sänğät kürgäzmäse qaralğan. Şulay uq comğa kiç “Korston” üzägendä milli tuy külmäkläre täqdim iteläçäk häm fol'klor konsert qaralğan.
Zilä Wälieva belderüençä, Soğud Ğäräbstanı mädäni könnäre xezmättäşlekne yaña däräcädä üsterergä yärdäm itäçäk.
Yaqın tirädä Soğud Ğäräbstanında Rusiä könnären oyıştıru küzdä totıla. Anda isä Tatarstan da qatnaşır dip farazlıybız dide Zilä Wälieva. Çönki Rusiädäge Soğud Ğäräbstanı mädäniäte könnäre qısalarındağı çaralarnıñ şaqtıyı näq Tatarstanda qaralğan.
Landış Xarrasova
