Başqortstan bu atnada mäğlümat çaraları üzägendä buldı. Ufa xalqı 3-4 köngä şähärdän kitte, başqala - başqortlarnıñ Rusiägä quşıluınıñ 450 yıllığı uñayınnan yuğarı däräcädäge citäkçelärne qunaq itte. Rusiä Däwlät Şurası utırışı töbäklärgä investisiä cälep itügä bağışlanğan ide. 450 yıllıq kebek bäyräm çarasınıñ Başqortstanğa iğtibarnı cälep itäçäge şik tudırmıy. Başqortstan xäzer dä Yevropanıñ qayber illäre belän Mäskäw aşa tügel, ä turıdan turı eşläwçe siräk töbäklärneñ berse.
Başqortstan belän Tatarstannıñ Çexiä belän xökümätara iqtisadi kileşülär tözü xoquqı bar. Başqortstannıñ Çiläbe ölkäse belän çigenä yaqın Uçalı şähäre yanında Çex şirkätläre 760 million yevrolıq ber eşne başlap cibärde. Anda bur häm sement yasaw berläşmäse tözelä. Eşkä berniçä ilneñ bankları, häm Çexiäneñ texnologiä şirkätläre cälep itelgän. Çit il şirkätlären Başqortstanda närsä qızıqsındıra? Bu xaqta bez Çexiä finans ministrlığınıñ Yevropa Berlegenä kermägän illär belän mönäsäbätlär öçen cawaplı bülege başlığı Karel Svoboda belän söyläştek.
" Mäskäw belän Piterburda iqtisadi köndäşlek bik zur. Bu ber, ikençedän, qaysı töbäktä eşlärgä digändä bezne berençedän totrıqlılıq qızıqsındıra, şulay uq yäşäw däräcäse. İñ möhime şundıy iqtisadi kürsätkeçlär."
Çexiä xökümäte Başqortstan belän Tatarstannı yäşäw däräcäse yaxşı bulğan totrıqlı däwlätlär dip sanıy. Totrıqlılıqnıñ qaydan kilgänen finans ministrlığı wäkile yaxşı añlıy:
"Başqortstan häm Tatarstan prezidentları – köçle şäxeslär. Alarnı tağın ber märtäbä avtoritar dip atap bula,ämma min "köçle" süzen qullanır idem."
Rusiä belän säwdä xezmättäşlegeneñ iñ zur öleşe energiä ölkäsenä turı kilä. Çexiä Rusiädän yağulıqnıñ 80%tın ala. Rusiädä böten köçneñ ber keşe yä ber ğailä kontrolendä buluın sez iqtisad öçen yaxşı dip sanıysızmı, digän sorawğa, Svoboda:
"Yaxşımı, naçarmı dip äytä almıym. Ämma ul eşquarlarnı cälep itä. Şäxsän minem fikerem, bu - şomlı totrıqlılıq."
Çexiä ivestorları bu şomlı totrıqlılıqnıñ üzlärenä tiskäre yoğıntı yasaw ixtimalınnan xökümätara kileşülär belän saqlana. Başqortstan belän Tatarstannıñ Çexiä xökümäte belän kileşülär tözü xoquqı bar. Rusiäneñ başqa töbäkläreneñ mondıy xoquqı yuq, dide Karel Svoboda.
Rusiä töbäklärenä çittän aqçalar cälep itüne ciñeläytü turında qanun qabul itelgän, törle fondlar häm Rusiä tärräqiät bankı tözelgän. Ämma Ufada uzğan Däwlät Şurası utırışında bolarnıñ ğamäldä faydası bulmağanı äytelde. Añarçı Çexiä turıdan turı Başqortstan belän eşläwneñ faydasın kürä. Üçalıda tözelüçe berläşmä böten Ural töbäge öçen tözeleş çimalı citeştergän iñ zur bur häm sement berläşmäse bulaçaq. Çexiädän ber törkem eşquarlar häm finans ministrlığı wäkilläre üktäber azağında Üçalığa barıp tözeleş barışı belän tanışaçaq.
Alsu Qormaş, Praga
Başqortstan belän Tatarstannıñ Çexiä belän xökümätara iqtisadi kileşülär tözü xoquqı bar. Başqortstannıñ Çiläbe ölkäse belän çigenä yaqın Uçalı şähäre yanında Çex şirkätläre 760 million yevrolıq ber eşne başlap cibärde. Anda bur häm sement yasaw berläşmäse tözelä. Eşkä berniçä ilneñ bankları, häm Çexiäneñ texnologiä şirkätläre cälep itelgän. Çit il şirkätlären Başqortstanda närsä qızıqsındıra? Bu xaqta bez Çexiä finans ministrlığınıñ Yevropa Berlegenä kermägän illär belän mönäsäbätlär öçen cawaplı bülege başlığı Karel Svoboda belän söyläştek.
" Mäskäw belän Piterburda iqtisadi köndäşlek bik zur. Bu ber, ikençedän, qaysı töbäktä eşlärgä digändä bezne berençedän totrıqlılıq qızıqsındıra, şulay uq yäşäw däräcäse. İñ möhime şundıy iqtisadi kürsätkeçlär."
Çexiä xökümäte Başqortstan belän Tatarstannı yäşäw däräcäse yaxşı bulğan totrıqlı däwlätlär dip sanıy. Totrıqlılıqnıñ qaydan kilgänen finans ministrlığı wäkile yaxşı añlıy:
"Başqortstan häm Tatarstan prezidentları – köçle şäxeslär. Alarnı tağın ber märtäbä avtoritar dip atap bula,ämma min "köçle" süzen qullanır idem."
Rusiä belän säwdä xezmättäşlegeneñ iñ zur öleşe energiä ölkäsenä turı kilä. Çexiä Rusiädän yağulıqnıñ 80%tın ala. Rusiädä böten köçneñ ber keşe yä ber ğailä kontrolendä buluın sez iqtisad öçen yaxşı dip sanıysızmı, digän sorawğa, Svoboda:
"Yaxşımı, naçarmı dip äytä almıym. Ämma ul eşquarlarnı cälep itä. Şäxsän minem fikerem, bu - şomlı totrıqlılıq."
Çexiä ivestorları bu şomlı totrıqlılıqnıñ üzlärenä tiskäre yoğıntı yasaw ixtimalınnan xökümätara kileşülär belän saqlana. Başqortstan belän Tatarstannıñ Çexiä xökümäte belän kileşülär tözü xoquqı bar. Rusiäneñ başqa töbäkläreneñ mondıy xoquqı yuq, dide Karel Svoboda.
Rusiä töbäklärenä çittän aqçalar cälep itüne ciñeläytü turında qanun qabul itelgän, törle fondlar häm Rusiä tärräqiät bankı tözelgän. Ämma Ufada uzğan Däwlät Şurası utırışında bolarnıñ ğamäldä faydası bulmağanı äytelde. Añarçı Çexiä turıdan turı Başqortstan belän eşläwneñ faydasın kürä. Üçalıda tözelüçe berläşmä böten Ural töbäge öçen tözeleş çimalı citeştergän iñ zur bur häm sement berläşmäse bulaçaq. Çexiädän ber törkem eşquarlar häm finans ministrlığı wäkilläre üktäber azağında Üçalığa barıp tözeleş barışı belän tanışaçaq.
Alsu Qormaş, Praga
