Tatar yäşläre assotsiatsiäse utırışı yäşlärneñ iğtibarın älläni cälep itmäde. Ällä tatar oyışmaları çınnan da bik äz, ällä bulğannarı da älege çara xaqında belep betermägänder. Milli mädäni üzäktäge utırışlar zalınıñ yartısı da tulmağan ide. Kvorum cieldı dip, eşne başlap cibärergä buldılar. Tatar yäşlär assotsiatsiäseneñ oyıştıru çarası Rusiä gimnı belän açılıp kitte. Annan soñ Tatarstan gimnı da yañğıradı.
Qorıltaynıñ maqsatı – assotsiatsiäneñ oyıştıru dokumentların qabul itü, dip iğlan itelgän ide. Konferensiäne Kongressnıñ Başqarma komitetı häm respublikanıñ Yäşlär eşläre Ministrlığı oyıştırğanğa kürä, şuşı oyışmalarnıñ wäkilläre çığış yasap, assotsiatsiäneñ eşenä uñışlar teläde.
Tatarstanda eş itüçe tatar yäşlär oyışmaların berläşterü ideyasın zamanında «İnitsiativa» digän ictimaği fond citäkçese Nail Ğaripov kütärep çıqqan ide. Ul fikerne başqa tatar oyışmaları da xuplap çıqtı. İnde xäzer yäşlärgä yaxşı tanış Qazandağı «Şärıq», «Ğölistan» , «Zıyalılar» klubları, «Azatlıq» yäşlär berlege häm Çallıdağı «Mizgel» klubı, başqa tatar oyışmaları tatar assotsiatsiäsendä bergäläşep eşlärgä teli.
Assotsiatsiäneñ räsmi qäğäzlärendä äytelgänçä, anda ictimaği oyışmalar ğına äğza bula ala. Däwlät qatnaşlığı bulğan «Sälät» fondı, «İdel» yäşlär üzäge dä bu assotsiatsiägä kerä almıy ikän. Läkin alarnıñ xezmättäşlek itü mömkinlege bar. Çittäge tatar oyışmaları wäkilläre älege oçraşuğa kilsälär dä, assotsiatsiägä kermäyäçäk.
Oyıştıruçılar äytüençä, 2004 yılnıñ cäyendä Bötendönya tatar yäşlär kongressın uzdıru planlaştırıla. Häm sişämbe tatar yäşlär oyışmaları wäkilläre şuşı zur çarağa äzerlek mäs’älälären qarayaçaq.
Bikä Timerova, Qazan
Qorıltaynıñ maqsatı – assotsiatsiäneñ oyıştıru dokumentların qabul itü, dip iğlan itelgän ide. Konferensiäne Kongressnıñ Başqarma komitetı häm respublikanıñ Yäşlär eşläre Ministrlığı oyıştırğanğa kürä, şuşı oyışmalarnıñ wäkilläre çığış yasap, assotsiatsiäneñ eşenä uñışlar teläde.
Tatarstanda eş itüçe tatar yäşlär oyışmaların berläşterü ideyasın zamanında «İnitsiativa» digän ictimaği fond citäkçese Nail Ğaripov kütärep çıqqan ide. Ul fikerne başqa tatar oyışmaları da xuplap çıqtı. İnde xäzer yäşlärgä yaxşı tanış Qazandağı «Şärıq», «Ğölistan» , «Zıyalılar» klubları, «Azatlıq» yäşlär berlege häm Çallıdağı «Mizgel» klubı, başqa tatar oyışmaları tatar assotsiatsiäsendä bergäläşep eşlärgä teli.
Assotsiatsiäneñ räsmi qäğäzlärendä äytelgänçä, anda ictimaği oyışmalar ğına äğza bula ala. Däwlät qatnaşlığı bulğan «Sälät» fondı, «İdel» yäşlär üzäge dä bu assotsiatsiägä kerä almıy ikän. Läkin alarnıñ xezmättäşlek itü mömkinlege bar. Çittäge tatar oyışmaları wäkilläre älege oçraşuğa kilsälär dä, assotsiatsiägä kermäyäçäk.
Oyıştıruçılar äytüençä, 2004 yılnıñ cäyendä Bötendönya tatar yäşlär kongressın uzdıru planlaştırıla. Häm sişämbe tatar yäşlär oyışmaları wäkilläre şuşı zur çarağa äzerlek mäs’älälären qarayaçaq.
Bikä Timerova, Qazan
