Elegräk tä xäbär itelüençä, bıltır dekäber ayında prezident saylawlar waqıtında ğämäldäge ilbaşı Mortaza Räximov Başqortstanda tatar telenä dä status birü mäsäläsen qanuni yul belän xäl itäçägen ışandırğan ide. Ämma saylawlardan soñ ike ayğa yaqın waqıt ütsä dä, respublika citäkçeläre bu mäsäläne ber genä dä iskä töşermäde. Tämam onıttı buğay alar üz wäğdälären. İnderespublikadağı tatar milli oyışmaları häm tatar ğälimnäre bu mäsäläne quzğatıp häm üz täqdimnären äytep, ğínwar başında Mortaza Räximovqa xat ta yazğan ide. Ul xat tapşırılğanğa da ber ay ütte, ämma bügenge köngä qädär ni uñay, ni tiskäre cawapnı kötep alalmadı tatar oyışmaları citäkçeläre häm tatar ğälimnäre. Monıñ şulay bulaçağın tatar milli xäräkäte başlıqları aldan uq çamalağan ide inde. Ämma barıber küñeldä ömet digän äyber bula bit ul. Läkin bu ömet tä buş ömet, çirattağı aldanu ğına bulıp çıqtı kebek.
Menä şuşı xällär Başqortstan tatar cämäğätçelegen häm tatar milli oyışmaları citäkçelären yañadan da bu mäsälägä nıqlap totınırğa häm respublika citäkçelärennän üz wäğdälärenä cawaplıraq qarawnı taläp itü çaraların başlarğa etärä. Başqortstan Tatar ictimaği üzäge räise Ayrat Ğiniätullin äytüençä, bu atnada respublikadağı tatar milli oyışmaları Räsäy prezidentı Vladimir Putinğa tatar tele statusı mäsäläsen xäl itüdä yärdäm sorap xat äzerlägän. Bu şimbä, 7 fivral könne Ufada zur cıyınğa cıyıp, tatar milli xäräkäte citäkçeläre şul xatnı imzalayaçaq. Şul xaqta Ayrat Ğiniätullin: – Ägär Putin äfände dä bezneñ xatnı iğtibarsız qaldırsa, Başqortstan tatar oyışmaları qatğıy çaralarğa kereşäçäk, – di Ayrat äfände. – Xalıqara oyışmalarğa möräcäğät itü dä, tel statusı mäsäläsen referendumğa çığaru da, başqa alımnar da qullanılaçaq. Tatar milli xäräkäte liderları belderüençä, respublika citäkçelege tatar telenä status bireläçäk dip wäğdä itep, soñınnan anı ütämiçä, berençedän, Başqortstandağı tatar xalqın mısqıl itsä, ikençedän, üzlärenä qarata ışanıçnı häm äberuynı yuğalta. Rusiä prezidentı Vladimir Putin 5 fivral könne Çuaşstanğa eş säfäre bırışındağı çığışında töbäklär citäkçeläre üz wäğdälären ütärgä tieş, dip assızıqlap äytkän ide. Wäğdä – iman, şuña da imannı yuğaltmaw xäyerleräk.
Menä şuşı xällär Başqortstan tatar cämäğätçelegen häm tatar milli oyışmaları citäkçelären yañadan da bu mäsälägä nıqlap totınırğa häm respublika citäkçelärennän üz wäğdälärenä cawaplıraq qarawnı taläp itü çaraların başlarğa etärä. Başqortstan Tatar ictimaği üzäge räise Ayrat Ğiniätullin äytüençä, bu atnada respublikadağı tatar milli oyışmaları Räsäy prezidentı Vladimir Putinğa tatar tele statusı mäsäläsen xäl itüdä yärdäm sorap xat äzerlägän. Bu şimbä, 7 fivral könne Ufada zur cıyınğa cıyıp, tatar milli xäräkäte citäkçeläre şul xatnı imzalayaçaq. Şul xaqta Ayrat Ğiniätullin: – Ägär Putin äfände dä bezneñ xatnı iğtibarsız qaldırsa, Başqortstan tatar oyışmaları qatğıy çaralarğa kereşäçäk, – di Ayrat äfände. – Xalıqara oyışmalarğa möräcäğät itü dä, tel statusı mäsäläsen referendumğa çığaru da, başqa alımnar da qullanılaçaq. Tatar milli xäräkäte liderları belderüençä, respublika citäkçelege tatar telenä status bireläçäk dip wäğdä itep, soñınnan anı ütämiçä, berençedän, Başqortstandağı tatar xalqın mısqıl itsä, ikençedän, üzlärenä qarata ışanıçnı häm äberuynı yuğalta. Rusiä prezidentı Vladimir Putin 5 fivral könne Çuaşstanğa eş säfäre bırışındağı çığışında töbäklär citäkçeläre üz wäğdälären ütärgä tieş, dip assızıqlap äytkän ide. Wäğdä – iman, şuña da imannı yuğaltmaw xäyerleräk.
