Esseleklär zıyan sala. Könnär qızu toru säbäple, yanğınnar kübäyde. Bügen respublikta distädän artıq urında urman yana. Ağımdağı yılda 61 urman yanu oçrağı terkälgän. Alardan barlığı 200 gektar urman zıyan kürgän.
Yawım-töşemnär dä zıyan sala. Çaqmağış rayonında boz qatış yañğır yawu näticäsendä 1700 gektar çäçülek yuqqa çıqqan. Şäxsi xucalıqqa qarağan 54 yort häm saray, kümäk xucalıqqa qarağan 33 bina zıyan kürgän. Rayonda iñ zur zıyan Miträ-Äyüp awılında bulğan. Anda köçle cil yortlarnıñ qıyıqların qubarğan, 1200 gektar çäçülek yuqqa çıqqan. Köçle taşqın 145 sarıqnı ağızıp alıp kitkän.
