Idel.Реалии

Кайнар хәбәр

гафиулла газиз

автор: гафиулла газиз

июнь 03, 2010
“Ислам нуры” 15 еллыгын билгеләде

Әлеге газет Чаллыда нәшер ителә һәм Русиянең татарлар яшәгән бик күп төбәкләренә тарала. Газетның беренче саны 1995 елда Хәлил Шәрипов һәм Иршат Шәйхаттаров тырышлыгы белән дөнья күрә. 2 июньдә басманың 15 еллыгы билгеләп үтелде. Аннан соң “Чаллы матбугатында ислам темасы” хакында сөйләшү булды.
май 31, 2010
Уфа татарлары җанисәп мәсьәләсен Чаллыда тикшерде

Быелның октябрь аенда узачак җанисәп мәсьәләсе Уфа татарларын нык борчый. Әлеге мәсьәләне уртага салып сөйләшү, фикерләшү өчен Уфа татарлары милли хәрәкәте вәкилләре Чаллыга килде.
май 23, 2010
Баш казый: “Хәмер белән татар асылына кайтып булмый”

Татарстанның баш казые Җәлил хәзрәт Фазлыев Балтач районында яши. Моннан 10 еллар чамасы элек районда хәмерсез туйлар уздыру башлангычы белән чыга. Тора-бара хәмерсез туйлар Татарстан җирендә, күрше Мари Иле, Киров өлкәсе татарларында да яклау таба. Хәзер Җәлил хәзрәт аракысыз сабантуйлары уздыру сәясәтен башлады һәм бу юнәлештә дә тарафдарлары бар икән.
май 19, 2010
Татарны бер баскыч югары күтәргән каһарман вафат

Икенче дөнья сугышында 6 танкны яндырган каһарман Илдар Маннановны соңгы юлга озаттылар. Хушлашу сүзендә Мөслим башлыгы Ришат Хабипов: “Илдар Маннанов үзенең батырлыгы белән дөньяда татарны бер баскыч югары күтәрде”, диде.
май 18, 2010
Чаллыда мөселман егетләре бил алышты

Татарстан Диния назәрәте мөселман яшьләре арасында татарча көрәш буенча бәйге уздырды. Әлеге бәйге өченче тапкыр Чаллыда үтте. Барлыгы 62 кеше катнашты. Баш батырга Хаҗ сәфәренә юллама бирелде. Ләкин юллама бу юлы бил алышып батыр калучыга түгел, җирәбә уйнатканнан соң тапшырылды. Биш авырлык үлчәвендә җиңүчеләргә акчалата бүләкләр бирелде. Назәрәт кубогы Азнакайга китте.
май 14, 2010
Зиннур Әһлиуллинга прокурор кисәтү ясады

Чаллыда 9 май, Җиңү көнен билгеләп үткәндә “Юлдаш” клубы вәкилләре халыкка бер битле язма тараталар. Анда татарларның әлеге сугышта тоткан урыннары хакында фикерләр әйтелә. Шушы гамәлләр өчен клуб рәисе Зиннур Әһлиуллинны прокуратурага чакырталар. Әһлиуллин заманында Чаллы ТИҮе, БТИҮ рәисләре булып торган кеше.
май 13, 2010
Шартлаудан зыян күрүчеләргә ярдәм булачак

12 майда Түбән Кама су электр станциясендәге шартлау ике кешенең гомерен өзде, дистәгә якын кешене җәрәхәтләде. Фаҗига урынында махсус комиссия эшли. Прокуратура вәкилләре дә шартлау сәбәпләрен өйрәнә.
май 03, 2010
Тагын бер татар газеты юкка чыкты

1990 елда КамАЗ ширкәте тарихында беренче тапкыр татар газеты нәшер ителә башлый. Газет ул чордагы татар милли хәрәкәте көче, басымы нәтиҗәсендә, “Нур” исеме белән дөнья күрә. Ләкин газетның гомере озын булмый. 26 апрель, Тукай туган көнне, татар газеты хезмәткәрләренең соңгы төркеме эшләреннән җибәрелә. Шуның белән КамАЗ татар телен санга сукмавын күрсәтте.
апрель 28, 2010
Чаллы театрында премьера үтте

Чаллы татар драма театры Җиңүнең 65 еллыгы уңаеннан “Абага алмасы ачы була” дигән пьесаны сәхнәгә чыгарды. Әсәрдә тормышның бик күп авырлыкларын күргән татар карты Насыйбулла - Әгерҗе районы Дивәтирнә авылында яшәп, олы яшьтә беренче тапкыр паспорт алган бабайның прототибы.
апрель 27, 2010
Тукай сүзләре “Азатлык” мәйданына кайтырмы?

“Тукай сүзләрен юкка чыгару - җинаять" дигән шигарь белән 26 апрель көнне Чаллының ТИҮ вәкилләре урам җыены уздырды. Алар шәһәр үзәге мәйданында Г.Тукайның шигъри юллары язылган элекке стелланы кабат торгызуны таләп итә. Дистә ярым кеше таләбе белән Тукай сүзләрен йөз меңләгән татар кабат укый алырмы?
апрель 23, 2010
Байконурга Чистай егете дә нигез сала

Русиянең кайсы гына тармагын алма, һәрберсендә беренчеләр рәтендә татар исемнәрен күрергә мөмкин. 1961 елда галәмгә очарга тиешле беренче кешеләр исемлегендә дә татар егете була. Татарга галәмгә чыгарга насыйп булмый. Байконур космодромы төзелешенә беренче казык сугучылар арасында да татар Камил Җиһаншин була.
апрель 22, 2010
Түбән Камада мәхәлләләр саны арта

Татарстанның Казан, Чаллы, Әлмәт кебек шәһәрләрнең һәрберсендә дистәләгән мәчет бар. Ә менә Түбән Камада бары тик бер мәчет. Шушы уңайдан Түбән Кама ТИҮе шәһәрдә 5 мәхәллә булдыру турында резолюция кабул итте. Әлеге карар нигезендә Түбән Камада 4 ай эчендә мәхәлләләр саны 3кә артты. Ләкин бу эштә каршылыклар да күренә.
апрель 12, 2010
Чаллы театры: “Бурлак” Тукай бүләген дәгъвалый

“Бурлак” спектакле Чаллы татар дәүләт драма театры тарафыннан беренче тапкыр 2008 елның октябрь аенда тамашачыга тәкъдим ителде. Шуннан соң күп тапкырлар Чаллы, Казан, якын-тирә шәһәр сәхнәләрендә куелды. Мансур Гыйләҗевның әлеге әсәре театр җәмәгатьчелеге тарафыннан Тукай бүләгенә тәкъдим ителде. Спектакльнең режиссеры Фаил Ибраһимов.
апрель 08, 2010
Татарстанның яңа президенты Чаллыда булды

Татарстан президенты Рөстәм Миңнеханов җиңүнең 65 еллыгына әзерлек һәм бәйрәм чараларын уздыру буенча Чаллыда төбәк киңәшмәсе үткәрде. Анда төп сөйләшү сугыш ветераннарын һәм инвалидларны фатирлы итү турында барды.
апрель 03, 2010
Милиция тарафыннан кыйналучы хаклык эзли

1992 елның 20 августында Чаллы татар милли хәрәкәте вәкилләре Минзәләдә каршылык чарасы уздыра. Кире Чаллыга кайтканда аларны милиция сагалап тора һәм чарада катнашучыларны кыйныйлар. Кыйналучылар арасында 52 яшьлек Рифкат Мифтахетдинов та була. Нәтиҗәдә ул инвалид булып кала.
апрель 02, 2010
Чаллыда имам-мөхтәсиб сайланды

Шәһәрдә 14 мәхәллә бар. Аларның имамнары Нур-Ислах мәчетенә җыелып мөхтәсиб сайлауда катнашты. Мөхтәсиб вазыйфасына бары бер генә намзәт күрсәтелә һәм аның өчен барлык имамнар тавыш бирә.
март 29, 2010
Чаллы коммунистлары чираттагы урам җыенын уздырды

Русия коммунистлар фиркәсенең Чаллы бүлеге ай ярым эчендә өч урам җыены уздырды. Шуларның соңгысы 29 мартта, хакимият бинасы янында үтте. Биредә хезмәт хакларының, пенсиянең аз булуы, коммуналь түләүләрдәге башбаштаклык хакында әйтелде.
март 24, 2010
Президент китә, җыры каламы?

Шәймиев идарәсе Чаллы, андагы сәнәгать, иҗтимагый тормыш, милли хәрәкәт белән дә бәйле. Милли хәрәкәт заманында Шәймиев өчен терәк тә булды, тора-бара оппозициягә дә әйләнде. Милли хәрәкәт җитәкчеләре аның хакында хәзер нинди фикердә?
март 19, 2010
Ирек Вильданов У-2 очкычы белән Мәскәүне “алмакчы”

Икенче дөнья сугышында У-2 очкычы совет гаскәре тарафыннан шактый киң кулланыла. Гадәттә анда хатын-кызлар оча һәм алар төннәрен дошман өстенә шартлаткычлар ташлый. Чаллыда яшәүче Ирек Вилданов әлеге очкычны 1:1 зурлыгында күчермәсен ясап, аны Мәскәү авиосалонында күрсәтергә җыена.
март 17, 2010
Кашапов Крюковны яклап Сембергә юл алды

Сембердә яшәүче Сергей Крюковка карата 282нче маддәсе буенча хөкем эше башланды. Элегрәк, Чаллыда Рафис Кашаповка шушы ук маддә буенча хөкем эше башлангач, Крюков Кашаповны яклау өчен Чаллыга чыыгп китә. Ләкин тәртип саклау оешмалары аны кулга алып, психбольницага озата. Крюковка карата хөкем эше башлангач, инде Чаллы ТИҮе рәисе Кашапов Сембергә юл алды.

XS

SM

MD

LG