Күптән түгел генә американ биржасында бер мичкә (баррель) нефть 100 долларга сатылып алды. Хәзер бу сан 90 тирәсенә төшсә дә, нефть бәяләренең шулай тарихта булмаган югарылыкка күтәрелүе, шушы мөһим табигый байлык тагын күпмегә җитәр, алдагы буыннарга калырмы, дигән сораулар уятты. Нефть яңартылмый торган чималга керә, әмма шуңа да карамастан, хәлләр алай ук яман түгел диючеләр бар.
