Әлеге вакыйга зурлап билгеләнде: беренче көнне юбилей чаралары үтсә, икенче көнне татар көрәше буенча турнир булды. Юбилей кичәсе шәһәрнең “Юбилей” мәдәният сараенда оештырылган булса, татар көрәше буенча турнир “Олимп” спорт сараенда үтте.
М. Фәйзи исемендәге Оренбур татар дәүләт драма театры бинасында беренче тапкыр балалар катнашында Нәүрүз фестивале үтте. Бәйгедә татар һәм казакъ балалары җыр-биюдә, музыка коралларында уйнауда ярыштылыр.
М. Фәйзи исемендәге Оренбур татар дәүләт драма театры Татарстан белән Башкортстаннан тыш бердәнбер дәүләт драма театры санала. 27 мартта Оренбур театрының бер төркем артистлары Казанда Камал театры үткәргән бәйрәм кичәсендә катнашты.
Быел да Нәүрүз бәйрәмен Әсәкәй районының “Чишмә” халык ансамбле оештырды. Елдагыча бәйрәм район мәдәният йорты сәхнәсендә үтеп, “Туган тел” клубында дәвам итте.
Татар Каргалы авылында гомер иткән 84 яшьлек Рәфкать Йосыпов - күпкырлы кул остасы. Ул шәл бәйләү өчен эш кораллары гына ясап калмый, ә мамык шәлләр, палантиннар, оекбашлар бәйли. Оренбур төбәге өчен, әлбәттә, бу хәл сирәк күренеш түгел.
5 мартта шәһәрнең филармония залында Оренбур төбәге губернаторы әмере белән 2009 ел өчен “Оренбур ягы хатын-кызы” бүләкләре тантаналы рәвештә тапшырылды. Әлеге бәйгедә җиңүчеләр арасында милләттәшләребез дә бар.
Башкортстанның Туймазы татар дәүләт драма театры артистлары Оренбурда дүрт көнлек гастрольләрдә булып китте. Спектакльләр Оренбур татар театры бинасында үтте.
21 февральдә Оренбур татар дәүләт драма театрында Халыкара туган теле көненә һәм шагыйрь Муса Җәлилнең туган көненә багышланган “Оренбур төбәгенең шигърият таҗы” исемле яшь шигырь укучылар бәйгесе үтте.
Әсәкәй мәдәният йортында 6нчы тапкыр “Ак хисләр” исемле төбәкара фестиваль үтте. 10 район һәвәскәрләре үзләренең осталыкларын җырда, биюдә, фольклорда, сүз жанрында күрсәтте.
Оренбур өлкәсе мөселманнары мөфтиятенең 15 еллыгына багышланган җыен үтте. Анда 100гә якын мөселман катнашты.
Оренбур төбәге тарихында беренче тапкыр мәхкәмә утырышы татар телендә тәрҗемәче ярдәмендә үтте. Оренбур өлкә мәхкәмәсе утырышында ришвәтчелектә гаепләнгән татар авылы хакимияте башлыгы Райлә Бадамшинаның шикаяте каралды.
Бәйрәмдә 9 мөселман гаиләсе катнашты. Бу төрле милләт гаиләләрен - мәдрәсәдә белем алу берләштерә.
Казан милли-мәдәни үзәгендә тарихчы Рәшит Искәндәровның “Оренбур татарлары” китабын тәкъдим итү кичәсе үтте. Кичәне Бөтендөнья татар конгрессы Башкарма комитеты оештырды.
2007 елда Оренбурда яшәүче Элдар Языкбаев “Лингва” исемле үз мәктәбен ачып җибәрә. Бүгенге көндә анда тик инглиз һәм татар телләре генә укытыла. Мәктәпкә барлыгы 40 кеше йөри.
22 гыйнвар көнне Казан милли мәдәни үзәге залында “Оренбур татарлары” китабын тәкъдим итү кичәсе үтәчәк. “Оренбур татарлары” исемле тарихи-энциклопедик очеркның авторы – Оренбур төбәгенең татар авыллары тарихын өйрәнүче Рәшит Искәндәров.
Рамил Рәхматуллин Оренбур дәүләт университетының фәнни лаборатория мөдире, Гиаматрикс, ягъни ясалма биотән авторы. Бөтенрусия бәйгесендә ясалма биотән иң яхшы инновацион проект буларак танылган.
Декабрь аенда Оренбурда театр барлыкка килгәненә 104 ел тулды. Бу вакыйга үзенчәлекле итеп билгеләнде. “Яңа гасыр” каналы Оренбур театры турында видеоэнциклопедия булдырды.
Оренбур шәһәр татар милли-мәдәни мохтарияте Мирхәйдәр Фәйзи исемендәге Оренбур татар дәүләт драма театрында 25 мохтаҗ балага Яңа ел тәбрикләү кичәсен үткәрде.
2009 ел Оренбур татарларына ике зур вакыйга белән истә калачак. Беренчесе – ул 20 ел буена көтелгән татар дәүләт драма театрын ачу булса, икенчесе – Милли авылда татар йортын булдыру иде.
Оренбурда татар теле һәм әдәбияты буенча өлкә олимпиадасы үтте. Бу елдагы олимпиада бер айга алдарак үткәрелде һәм анда барлыгы 43 укучы катнашты.
дәвам
