alsu qormaş

Keşe xoquqların yaqlawçılar Zur 8lekkä üz täqdimnären äzerläde

Zur 8lek illäre citäkçeläreneñ Peterburğa cıyıluına sanawlı könnär qalıp bara – añarçı dini häm ictimaği oyışmalar summit köntärtibenä üz täqdimnär kertergä aşığa. Din ähelläreneñ 3 könlek cıyını Mäskäwdä bügen zur 8lek summitına möräcäğät qabul itep tämamlandı. Kiçä isä Mäskäwdä Rusiä häm xalıqara xoquq yaqlaw oyışmalarınıñ 700dän artıq wäkile cıyıldı.

Bäysezlek könendä Belarus yözen Qıtayğa bora

Bu könnärdä dönyada berniçä däwlät üzläreneñ bäysezlek könnären bilgeli. 4 yüldä – AQŞ Britaniädän, 5sendä – Venesuela İspaniädän bäysezlek yawlağan. Bügen isä möstaqillek könnäre Aljir häm Belarusta bilgelänä. Belarus prezidentı Aleksander Lukaşenka, respublika xalqın qotlap, Belarusta tuğannarnı – bäxetle keşelär dip atadı. Qotlaw çığışında uq Lukaşenka, töp partnerıbız bezneñ xäzer Rusiä tügel, dip belderde.

Yaqın Könçığışta xärbi häm diplomatik çaralar

İzrail totıq itep alınğan üz xärbien qotqaru çarasın däwam itä. Uzğan töndä İzrail xärbi oçqıçları 20dän artıq xädäfne utqa tottı, alar arasında fälestin eçke eşlär ministrlığı da buldı. Xärbi basım belän ber rättän nizaqnı caylar öçen Mısır yardämendä diplomatik tırışlıqlar da kürelä.

"Watandaşlar, Rusiägä räxim itegez!"

Rusiä qaytırğa telägän, üzlären Rusiägä yaqın dip sanağan keşelärne qaytaru turındağı şulay dip atalğan xökümät planın, düşämbe 26 yün könne Rusiä prezidentı Vladimir Putin rasladı. 6 yılğa isäplängän älege programma nigesendä çit illärdän qaytuçılarğa aqça häm sotsial taşlamalar qaralğan. Bu yul belän xökümät Rusiädä keşe sanı kimü problemasın öleşçä bulsa da çişergä ömetlänä. Çittä yäşägän elekke Rusiä watandaşların bu täqdimnär qızıqsındıramı

İzrail ğäskärläre Gazağa kerde

Sintäber ayında İzrail ğaskärläreneñ Gazadan çığıp kitkänennän birle mondıy höcümneñ bulğanı yuq ide. Uzğan töndä İzrail xärbi oçqıçları küperlärne utqa tottı, elektr stansiäsenä höcümnän soñ Gazanıñ zur öleşe utsız qaldı. Bu ğämälne İzrail , yäkşämbe könne fälestin suğışçılarınıñ höcümennän soñ ber İzrail xärbieneñ totıq itep aluınnan soñ eşläde. Räsmilär, İzrail xökümäteneñ Gazanı yañadan üz kontrolenä alu niäte yuq, di.

Ğiraq premyer-ministrı berdämlekkä çaqıra

AQŞ belän Qazaxstan yaqınayamı?

AQŞnıñ Üzäk Aziädäge ğaskärläre tiräsendä soñğı waqıtlarda törle imeş-mimeşlär yöri. Uzğan yıl axırında Üzbäk xökümäte amerikan xärbilären üzendäge Qarşı-Hanabad bazasınnan kitergä mäcbür itte. Qırğızstandağı Manas xärbi hawa bazasında AQŞ ğäskärlären qaldıru-qaldırmaw turında kierenke söyläşülär däwam itä. Mäğlümat çaraları, Astana belän söyläşülär näticäle bulsa Amerika üz xärbi köçlären Qazaxstanğa urnaştırırğa mömkin, digän farazlar bäyän itte. Moñarçı Rusiä, Qıtay häm AQŞ belän tigez mönäsäbättä torırğa tırışqan Qazaxstannıñ moña mönäsäbäte nindi bulır?

Dönya gazetaçıları cıyını däwam itä: Kajsa Tornrothqa sorawlar

Mäskäwdä Dönya gazetaları assosiasiäse cıyını däwam itä. Düşämbe könne cıyınnı açqanda oyışma başlığı Gavin O''Reilly, prezident Vladimir Putinğa möräcäğät itep Rusiä mäğlümat çaralarınıñ xälen naçar dip sürätläde. Elekke sovet illärendä matbuğat häm mäğlümat çaralarınıñ torışı niçek bäyälänä? Bu sorawğa Dönya gazetları assosiasiäseneñ matbuğat irege direktorı Kajsa Tornroth cawap birä.

Boxarestta Qara diñgez buyında tärräqiät häm çişelmägän nizaqlar tikşerelde

Qara diñgez buyındağı däwlätlär citäkçeläre bügen Romaniä başqalası Boxarestqa cıyıldı. Köntärtibendä – töbäktä säyäsi häm yağulıq ölkäsendä xezmättäşlekne arttıru, äfyün, qoral häm keşe säwdäsenä qarşı köräş yulların berlektä tikşerü. Yuğarı däräcädä oyıştırılğan şuşı cıyında Törkiä, Bolğarstan, Gresiä häm Litva, şulay uq Yevropada İminlek häm Xezmättäşlek Oyışması, AQŞ räsmiläre qatnaşa.

Tämäkene niçek taşlarğa?

Tämäke tartunı taşlarğa teläwçelär iğtibarına! 31 may - dönyada tämäkegä qarşı köräş köne. Azatlıq radiosı xäbärçese Kathleen Moore Pragadağı ber klinikada tämäkene taşlarğa tırışqan keşelär yanında bulıp qayttı.

Bush häm Blair Ğiraqtağı xatalarnı tanıdı

AQŞ prezidentı häm Britaniä premyer-ministrı, Ğiraq suğışında xatalar bulğanın tanıdı. Kiçä Aq Yortta ike citäkçe berlektä jurnalistlar aldına çıqtı. Qıybatqa töşkän xatalarğa qaramastan George Bush häm Tony Blair Ğiraqta demokratiä urnaştıru eşen axırına citkerü kiräklegendä şiklänmi. İke citäkçe şulay uq İrannıñ atom programmasına – diplomatik çişeleş kiräk, dip belderde.

Waşingtonda Yaqın Könçığış nizağın çişü yulları turında söyläştelär

Izrail premyer-ministrı Ehud Olmert AQŞqa säfäre waqıtında, Xämasnıñ tınıçlıq söyläşülärenä äzer bulğanın kötergä cıyınmawı turında belderde. Bu qatği fikeren ul AQŞ prezidentı George Bushqa 23 may könne äytte. Näq şunı uq ber kön soñıraq Kongress aldında da qabatladı. İzrailneñ, üz çiklären bilgeläp quymıy başqa çarası yuq, dide Olmert. Fälestinnär isä bu ğämälne – üz cirlären tartıp alu dip atıy. Şulay da İzrail premyer-ministrı – ike däwlät üzara kileşä alsa – yänäşä ike möstaqil däwlät buluı mömkin, dip sanıy. İzrailneñ bu çaraları töbäkkä tınıçlıq kiterä alamı?

GUAM: Demokratiä häm İqtisadi Tärräqiät Oyışması

Görcistan, Ukraina, Azärbaycan häm Moldova kergän GUAM berläşmäseneñ kiläçägenä küplär ışanmadı. Ber töbäktä berläşmälär artıq küp bulıp kitte – BDB, Şanxai Xezmättäşlek Oyışması, Kümäk İminlek Kileşüe Oyışması, häm başqalar. 2002nçe yılda Üzbäkstannıñ GUAMnan çığuı da – berläşmä faydasına bulmadı. Ämma Görcistan belän Ukrainada xakimiätneñ almaşınuı – berläşmägä yaña sulış birde kebek. Häm BDBdan çığarğa telägän illär öçen GUAM – çirattağı maqsat bula ala.

Aİ: Rusiädä rasaçıl höcümnär artqan

Ber cömlä belän äytkändä – BDBda xoquq bozu däwam itä, ämma wazğiät aqrınlap yaxşıra. Rusiädä rasaçıl höcümnär artqan, Belarus häm Azärbaycan säyäsi oppozisiägä kön kürsätmägännäre öçen täñqitlänä, Görcistan häm Ukrainada milisiä köç qullanuda ğäyeplänä.

Şirin Ebadi AQŞta yaña kitabın täqdim itä

Nobel tınıçlıq büläge iäse, İranda keşe xoquqların yaqlawçı Şirin Ebadi şuşı könnärdä Quşma Ştatlarda üzeneñ yaña kitabın täqdim itä. "İrannıñ uyanuı, İnqilap häm Ömet Xätiräläre" dip atalğan äsär İranda tıyılğan. Kitapta Ebadi üz tormışı, keşe xoquqların yaqlaw yulındağı täcribäse turında yaza. Üzeneñ AQŞqa säfäre waqıtında Ebadi, cämäğätçelek iğtibarın barı tik kitabına ğına tügel, ä ike il räsmilärenä qarşılıqlar turında utırıp söyläşü kiräklegenä yünältergä teli.

Taciqstannıñ Çorkuh şähärendä şäriğat qanunı xakimiäte

Taciqstannıñ tönyağında qabatlanmas güzäl tabiğate bulğan Çorkuh şähäre urnaşqan. Çorkuh – taciqça "dürt taw" digän süz. Tawlar arasında cäyelgän tar ğına üzänlektä bay uñış cıyalar. Üzäk Aziädäge iñ matur cirlärneñ berse, hiçşiksez, Çorkuh tiräse. Şähärneñ tağın ber üzänçelege: anıñ 32 meñlek xalqı – şäriğat qanunnarı belän yäşi. Çorkuhta bu könnärdä genä Azatlıq xäbärçese Bruce Pannier bulıp qayttı.

"Xatın-qızlarnıñ sälämätlege sere açıqlandı"

Xatın-qızlarnı añlamassıñ. Bödrä çäçle qızlar çäçtaraşta säğätlär buyı çäçlären turaytıp utırğanda, andıy baylıqqa iä bulmağannarınıñ çäçlären ködrälätep cannarı çığa. Ğailäsen tuydırır öçen 3 eştä eşläp tağın öyne dä qarawçı xatınnar – ex, menä aqça citärlek bulsa qıl da selketmäs idem dip xıyallana. Aqçağa intekmägännäre – buşqa bulsa da berär cirdä eşlärgä äzer.

Geografiäne kem niçek belä? Amerikannar häm tatarlar

Geografiä däreslärendä ällä qaydağı yılğalarnıñ quşıldıqların häm üz ilebezdä bulmağan diñgezlär qultıqlarınıñ atamaların yatlıy idek. Ğämäldä isä bu öyrängännärneñ kübese onıtıla bulıp çığa. Bu küreneş barlıq illärgä dä xas.

İran İzraildän qala başqa illär belän söyläşülärgä äzer

Iran prezidentı Mähmüd Äxmädinejad İndoneziägä bulğan 5 könlek säfärennän soñ kire Tähranğa qaytıp, İran, tınıç atom programmasın tuqtatunı maqsat itep quyğan ber nindi dä kileşügä barmayaçaq, dip belderde. Kiçä isä, prezident, İran, İzraildän qala - böten illär belän söyläşülärgä äzer, dide.

Ändicandağı qanlı waqiğalarğa 1 yıl

Bügen Londonda häm Mäskäwdä, Şvesiädä häm Qırğızstanda, Üzbäkstannıñ Ändican şähärendä 1 yıl elek bulğan köç qullanunı häm anda häläk bulğannarnı iskä aldılar. Comğa könne uram cıyınnarı New Yorkta, İstanbulda häm Kievta uzdı.