naif aqmal

Bush Hindstan belän atom xezmättäşlege turında kileşte

AQŞ prezidentı George Bushnıñ Könyaq Aziä säfärendä bügen 2 tema iğtibar üzägendä buldı. Bush Dählidäge çığışında Hindstan belän atom kileşüen iğlan itte häm Karaçida bomba şartlatıluğa qaramastan Paqstan säfärennän baş tartmayaçağın belderde.

Ğiraqta mäzhäbara höcümnär däwam itä

Ğiraqnıñ Samarra şähärendä şığıylar törbäse şartlatıluğa 1 atna tuldı. Şul höcümnän soñ sönnilär belän şığıylar arasında başlanıp kitkän köç qullanu näticäsendä 400-läp keşeneñ ğömere özelde. Dini häm säyäsi citäkçelär xalıqnı tınıçlanırğa öndi häm soñğı könnärdä köç qullanu kimi başladı. Ämma soñğı bomba höcümnäre äle tınıçlıq tiz genä urnaşmayaçağın kürsätä.

Rusiä sälamätlek ministrlığı ildä xalıq sanı kimügä qarşı çaralar kürergä cıyına

Bügenge Rusiäneñ iñ zur problemalarınnan berse ildä xalıq sanınıñ nıq kimi baruı. Räsmi sannarğa qarağanda Rusiädä xäzer 143 millionlap keşe yäşi. Häm yıl sayın xalıq sanı 700 meñgä kimi bara. Qayber belgeçlär fikerençä, 2050-nçı yılğa Rusiädä xalıq sanı 120 millionğa qalırğa mömkin.

İran atom programması turında Yewropa belän söyläşülärne däwam itärgä teli, Yewropa bu mäs''äläne BMO İminlek Şurasına tapşıru yaqlı

Paqstanda Äl-Qaidä yuğarı citäkçese äz-Zäwähirigä qarşı höcümdä 18 keşe hälak buldı