naif aqmal

Dönya buylap Ğiraq suğışına qarşı demonstratsiälär ütte

Dönyanıñ törle şähärlärendä bügen dä Ğiraq suğışına qarşı demonstratsiälär däwam itä. Yaña atnanıñ sişämbesendä, 20-nçı martta bişençe yılına keräçäk suğışqa qarşı şimbä könne ütkän demonstratsiälärdä yözlärçä meñ keşe qatnaştı.

BMO Ğiraqqa iqtisadıy yardäm planı turında konferensiä ütkärde

Comğa kөnne New Yorkta Berläşkän Millätlär Oyışmsı Ğiraqnı totrıqlılandıru өçen yaña iqtidıy plannı ğämälgä aşıru turında xalıqara konferensiä ütkärde. Anda 90-lap ilneñ wäkile qatnaştı.

Qadırov yuğarı wazıyfalarğa tuğannarın häm yaqınnarın quya

Çeçnä prezidentı Ramzan Qadırov respublikanıñ yaña citäkçelären, üzeneñ säyäsi tirälegen bilgeläw öçen 5-nçe apreldä ütäçäk inawguratsiä çaraların kötep tormasqa buldı. Ul yuğarı wazıyfalarğa keşelärne Qadırov üzeneñ tuğannarı häm yaqınnarı arasınnan sayladı.

Putin Üzäk Saylaw Komissiäse citäkçelegen alıştıra

Rusiä prezidentı Vladimi Putin küp yıllar buyı Üzäk Saylaw Komissiäsen citäklägän Aleksandr Veşnyakovnıñ bu wazıyfada qaluın telämi. Sişämbe könne Putin anı yaña komissiägä kerüçe prezident wäkilläre isemlegenä kertmäde. Küp kenä küzätüçelär bu üzgäreş Üzäk Saylaw Komissiäseneñ tulısınça Mäskäw Kremlenä buysınuına kiteräçäk dip isäpli.

Yewropa Berlege dönyaküläm cılınuğa qarşı köräştä äydäwçe bulırğa omtıla

Comğa könne Brüsseldä Yewropa Berlege citäkçeläreneñ 2 könlek yazğı sammitı tämamlandı. Alar dönyanıñ qalğa öleşen Yewropanıñ klimat üzgärügä töp säbäp dip isäplängän kümer gazların çığarunı kimetü tırışlıqlarına quşılırğa çaqırdı. Şulay da räsmilär hawağa andıy gazlarnı iñ küp çığaruçı AQŞ, Qıtay, Hindstan kebek illärneñ cawabı açıq bulmawın da tanıdı. Yewropa citäkçeläre şulay uq üz illäreneñ energiä täeminäte iminlegen dä yaxşırtu turında kileşte.

"Keşe qayçan matur bula?" Yäş qızlar basım astında qaldı

"Üzeñ dä küräseñ añlaşıla bit bolay da sin minem belän bulırğa tieş, minem kebek qaynar qıznı telämiseñme ällä?" "Pussycat Dolls"

Bağdad konferensiäsenä zur ömetlär bağlana

Şimbä könne Bağdadta Ğiraqta iminlek urnaştıruğa bağışlanğan xalıqara konferensiä açıla. Ğiraq xökümäte ütkärgän bu söyläşüdä kürşe illär häm BMO Iminlek Şurasınıñ 5 daimi äğzası qatnaşa. Xökümät berençe märtäbä ütkärelä torğan bu konferensiä ildä iminlek urnaştıru mäsäläsendä kürşe illär belän urtq fikergä kilergä yardäm itär dip ömetlänä. Töp qatnaşuçılar, AQŞ, Iran häm Süriäneñ bu konferensiädän ni kötüenä zur iğtibar birelä. Ämma Söğüd Ğärabstanı, Rusiä yäki Yewropalılar kebek başqa yaqlar ni teli?

AQŞ däwlät departamentı dönyada keşe xoquqları torışı turında yıllıq xisabın iğlan itte

Quşma Ştatlar däwlät departamentı dönyada keşe xoquqları torışı turında yıllıq xisabın iğlan itte. Ul xisapta BMOnıñ Universal Keşe Xoquqları Deklaratsiäsendä xalıqara tanılğan şäxsi, sivil, säyäsi irekleklärneñ häm xezmätkärlär xoquqlarınıñ ayırım illärdä ni xäldä buluı sürätlänä.

Tänqitläwçelär Mäskäw Kremlen saylawlardan çın oppozitsiäne çitläşterüdä ğäyepli

Bu yäkşämbedä Rusiäneñ 14 töbägendä cirle saylawlar ütäçäk. Häm bu yıl axırında ütäçäk parlament saylawları, şulay uq kiläse yıldağı prezident saylawları aldınnan ber sınaw bulır dip qarala.. Yäkşämbe saylawlarında töp köräş Berdäm Rusiä belän Ğädel Rusiä dirqäläre arasında barır dip kötelä. Ämma oppozitsion törkemnär bu firqälärneñ ikese dä Mäskäw Kremlenä ütä tuğrılıqlı oyışmalar, ä çın köndäşlär çitkä tibärelä dip belderä.

Medvedev Internetta xalıq sorawlarına cawap birde

Rusiädä kiläse yılda ütäçäk prezident saylawlarında töp namzät bulırğa mömkin dip qaralğan premyer ministrnıñ berençe urınbasarı Dmitriy Medvedev düşämbe könne internetta il xalqınıñ sorawlarına cawap birde. Bu forumnı moñarçı barı Prezident Vladimir Putin ğına qullana ide. Bu Medvedevnıñ saylarlarğa taba adım yasawı tügelme?

Tailand politsiäse Rusiä turistların üterüneñ talaw belän bäyle buluına ışanmıy

Tailand politsiäse Rusiäle 2 turist qıznı üterüdä şiklänelüçe keşeneñ totıluı turında belderä. Fevral axırında bulğan bu üterüneñ säbäpläre turında matbuğatta törle imeş-mimeşlär taraldı. Ämma qulğa alınğan şikle keşe min barı tik alarnıñ äyberlären talarğa ğına telägän idem di. Tailand politsiäse isä üterüneñ säbäbe başqa bulırğa oxşağan dip isäpli.

Piterburda Kileşmäwçelär marşı militsiä belän bäreleşte

Piterburda Rusiä prezidentı Vladimir Putin xakimiätenä qarşı çığuçı meñnärçä keşe belän militsiä arasında bäreleşlär buldı. Kileşmäwçelär marşı dip atalğan carada qatnaşuçılar militsiä kirtäsen bärep ütep şähärneñ töp mäydanına omtıldı. Xakimiätlär bu çaranı oyıştıruğa röxsät birmägän ide.

Ramzan Qadirov – Çeçnäneñ yaña prezidentı

Çeçnä parlamentı Ramzan Qadırovnı respublika prezidentı itep rasladı. Bu wazıyfada Alu Alxanovnı almaştıruçı Qadirov namzäten respublika parlamentı bik tiz arada qarap bertawıştan diärlek xupladı.

WSJ: Rusiä Yaqın Könçığışta eşçänlegen arttıra

Soñğı yıllarda energiә çığanaqları satudan iqtisadıy quәte kөçәyep kilgәn Rusiә xalıqara mәsәlәlәrdә dә, bigrәk tә Yaqın Kөnçığışta üzeneñ eşçәnlegen nıq arttırdı. Şul turıda WSJ basmasınıñ Rusiәneñ Yaqın Kөnçığıştağı eşlәre dip atalğan mәqәlәse.

Putin ni öçen Ivanovnı Medvedev belän ber däräcägä kütärde?

Pänceşämbe könne Putin Çeçnä citäkçelegendä genä tügel, Rusiä xökümätendä dä üzgäreşlär ütkärde. Şularnıñ iñ zurısı saqlanu ministrı Sergey Ivanovnı premyer ministrnıñ berençe urınbasarı itep bilgeläw buldı. Bu inde anı Dmitriy Medvedev däräcäsenä kütärüne añlata. Ivanov belän Medvedev ikese dä ber yıldan ütäçäk prezident saylawlarında xakimiät yağınnan töp namzät bulırğa mömkin dip qarala.

Gurbanğuli Birdemöxämmädov - Törkmänstannıñ yaña prezidentı

Törkmänstannıñ elekke sälamätlek saqlaw ministrı Gurbanğuli Birdemöxämmädov aldan kötelgänçä çärşämbe könne ilneñ prezidentı dip iğlan itelde. 49 yäşlek Birdemöxämmädov sovet çorınnan soñğı Törkmänstannıñ ikençe prezidentı. Räsmi sannarğa qarağanda yäkşämbe könne 6 namzät qatnaşında ütkän saylawlarda ul tawışlarnıñ 90-lap protsentın cıyğan.

Waşington Putin tänqitenä saqlıq belän reaksiä kürsätä

Uzğan atna axırında Rusiä prezidentı Vladimir Putinnıñ Quşma Ştatlarnı tänqitläwenä Waşington üz reaksiäsen saqlıq belän genä kürsätä. Şimbä könne Münxendä ütkän konferensiädä Putin prezident George Bush idaräsen xalıqara mäsälälärdä berni belän dä tıyılmağan diärlek xärbi köç qullanuda ğäyepläde häm bu başqa illärdä atom qoralına iä buluı teläge uyata dide. Ul şulay uq AQŞnıñ Kosovo bäysezlegen yaqlawın häm Üzäk Yewropada raketa höcümennän saqlanu sisteması urnaştıru niäten tänqitläde.

Törkmänstanda prezident saylawları irekle dä, ğädel dä tügel dip bäyälänä

Törkmän üzäk saylaw komissiäse prezident saylawlarında kemneñ ciñep çıqqanlığın sişämbe könne iğlan itär dip kötelä. Räsmilär äytüençä, yäkşämbe könne 6 namzät qatnaşında ütkän bu saylawlarda saylawçılarnıñ 98 protsenttan artığı tawış birgän. Törkmännan tawış birüçelärneñ küpkä azraq buluı turında da xäbärlär kilä.

Törkmänstan saylawları turında yış yañğırawçı sorawlar

Fälestinneñ Xämas häm Fatah xäräkätläre urtaq xökümät turında kileşte

Ike kөndäş fälestin tөrkeme Xämas belän Fatah Sөğüd Ğärabstanında 2 kөn däwam itkän sөyläşülärdän soñ urtaq xөkümät tөzergä kileşte. Alar arasında xakimiät өçen kөräş dikäberdän birle ber yөzläp keşeneñ ğөmeren өzgän ide. Kileşüne ike yaqnıñ da tarafdarları xuplap qarşıladı.