Әлеге проектлар төрле иде: авылда татар ашханәсе, авыл музее булдыру, тарихи зиратларны төзекләндерү һәм башкалар.
Мәсәлән, Динара Искәндәрованың проекты татар ашханәсе турында булды.
Диана Мурзакаеваның әти-әнисе табиблар, шуңа күрә бу өлкәдәге мәсьәләләр белән ул күбрәк таныш.
Кичәдә авыл халкын күптән борчыган сораулар куелды,шуңа күрә укучыларның бу проектларын һавадан алынган дип әйтеп булмас иде. Балалар тарафыннан бу социаль проектларны тәкъдим итү кичәсенең файдасы хакында мәктәп мөдире Тәүхидә Низаметдинова шуларны сөйләде:
“Мондый проектлар белән без ел саен шөгыльләнәбез.Бу юлы өлкәне өйрәнү темасын алырга булдык. Алар балалар өчен дә якын. Икенчедән, тарихи урыннарны да бер системага китерергә булдык. Проектларны туристлар өчен маршрутлар буларак эшләүләрен киңәш иттек. Бер очракта буклетлар чыгару, икенчесендә истәлек такталарын урнаштыру.Әлеге проектларның тормышка ашу-ашмавын тормыш күрсәтер”.
Кичә ахырында әлеге проектлар хакында җитди сөйләшү булды һәм аның барышында төрле тәкъдимнәр әйтелде. Шунысы мөһим – авыл депутатлары укучыларның тәкъдимнәренә колак салачак.
