Шимбә көнне Казанда чираттагы бал ярминкәсе башланып китте. Бу чара Казанда даими рәвештә узып тора. Ярминкә беренче көннән башлап күп халыкны җәлеп итте.
Ярминкәдә төрле җирләрдә җитештерелгән баллар тәкъдим ителгән. Байкал, Алтай, Кавказ яклары булсынмы, яисә күнегелгән Башкортстан һәм Татарстан баллары – боларның барысын да биредә сатып алып була.
Татарстан умартачыларын монда бармак белән генә санарлык. Казан һәм аның тирәсендә эш итүчеләрдән кала, Арча һәм Апас умартачылары күзгә ташланып тора. Апастан килгән Илнат Габдрахманов биредә беренче мәртәбә генә катнашмый. Сатучыларны ул түбәтәй киеп каршылый.
“Башкортстан балы дөнья стандартларына туры килә бит инде. Татарстанныкы азрак калыша. Без дә Башкортстанда берничә умарталык тотабыз. Мәсәлән, сатуга куйганнар арасында юкә балы бар, ә төп урыныбыз Апаста инде. Шулай ук Сембергә һәм Сарытауга барабыз. Эшеңне яратып эшләсәң, бу тармакта уңышка ирешеп була”, диде Илнат Габдрахманов.
Хәзер бал белән шөгыльләнүче кешеләр күп. Ә бу халыкта ихтыяҗ бар дигәнне аңлата, ди эшмәкәр.
Ярминкәдә төрле җирләрдә җитештерелгән баллар тәкъдим ителгән. Байкал, Алтай, Кавказ яклары булсынмы, яисә күнегелгән Башкортстан һәм Татарстан баллары – боларның барысын да биредә сатып алып була.
Татарстан умартачыларын монда бармак белән генә санарлык. Казан һәм аның тирәсендә эш итүчеләрдән кала, Арча һәм Апас умартачылары күзгә ташланып тора. Апастан килгән Илнат Габдрахманов биредә беренче мәртәбә генә катнашмый. Сатучыларны ул түбәтәй киеп каршылый.
“Башкортстан балы дөнья стандартларына туры килә бит инде. Татарстанныкы азрак калыша. Без дә Башкортстанда берничә умарталык тотабыз. Мәсәлән, сатуга куйганнар арасында юкә балы бар, ә төп урыныбыз Апаста инде. Шулай ук Сембергә һәм Сарытауга барабыз. Эшеңне яратып эшләсәң, бу тармакта уңышка ирешеп була”, диде Илнат Габдрахманов.
Хәзер бал белән шөгыльләнүче кешеләр күп. Ә бу халыкта ихтыяҗ бар дигәнне аңлата, ди эшмәкәр.
