Рөстәм Миңнехановның икенче мөддәткә Татарстан президенты вазифасына керешү өчен ант бирү тантанасы 18 сентябрь Казанда Зур концерт залында үтәчәк.
13 сентябрь булган сайлауда Миңнеханов 94.4% тавыш җыйды. Коммунистлар фиркасенең Татарстан бүлеге беренче секретаре Хафиз Миргалимов 2.56%, "Гадел Русия"нең җирле бүлеге рәисе Рушания Билгилдиева 1.68%, ЛДПРның җирле бүлеге рәисе урынбасары Руслан Йосыпов 0.81%.
Тавыш бирүдә халыкның 84.21% катнашты.
