Татарстанда коммунистлар 1917 елгы октябрь инкыйлабы көне уңаеннан ике көн рәттән митинглар үткәрәчәк. "Русия коммунистлары"ның республикадагы бүлеге 6 ноябрь көнне Казанда Мулланур Вахитов һәйкәле янына җыела. Бу фирка 7 ноябрь көнне Чаллы һәм Түбән Камада да үз митингларын үткәрә дип белдерелә.
КПРФның Татарстан бүлеге 7 ноябрь көнне Казанның Бауман урамында башта митинг, ә аннан соң урам йөреше түкәрергә җыена. Митинг тәмамлангач Ирек мәйданына килеп Ленин һәйкәленә чәчәкләр салачаклар.
КПРФ Казанда "Гадел сайлаулар өчен!", "Бәяләр һәм тарифлар артмаска тиеш!", "Русиядә фәнне җимерүгә юл куймабыз!", "Мәгарифне җимерү – илнең киләчәгенә һөҗүм" дигән шигарьләр белән чыга.
