Вконтакте социаль челтәре Чаллыда "Бессрочный протест" активистлары урнаштырган "Путин кабере" фотоларын алып ташлый. Вконтакте аларны "танылган кешенең уйлап чыгарылган үлеме турында ялган язма" һәм гадәттән тыш хәлләр турындагы фиктив хәбәр дип саныйлар. Бу хакта Медуза яза.
Вконтакте матбугат үзәгендә фотоларга карата бик күп зарланулар килүе турында белдергәннәр һәм кешеләрнең "ялгыштыручы язмаларны сирәгрәк күрергә теләүләрен" аңлыйбыз дигәннәр.
10 мартта Чаллының тикшерү комитеты янында Русия президенты Владимир Путин кабере итеп ясалган инсталляция урнаштырылды. Әлеге чараны оештыруда шикләнелүче активист Кәрим Ямадаев тоткарланды.
