13 fevral bulğan piketta töp taläplär kommunal tüläwlärneñ yuğarılığı häm milli mäsälälärdän ğibarät ide. Piket başqala xakimiäte binası qarşındağı Lenin mäydanında uzdı. Anda 100dän artıq keşe qatnaştı. “Kommunal tüläwlärne kimetergä!”, “Tatar telenä - däwlät statusı”, “Ufa “Nur” tatar däwlät teatrın qayçan zur zalğa küçäçäk?” häm başqa şundıy şiğärälär kürergä bula ide. Qarşılıq aksiäse cirle waqıt belän kiçke biştä başlandı häm ber säğät däwam itte.
