Terleklärdä awırular arta, suda balıq kimi, urmannarda auçılıq itärgä qırğı xaywannar azaya. Sişämbe könne Rossel'xoznadzor, yäğni veterinar häm fitosanitar küzätçelek federal' xezmäte idaräse yıllıq utırışında şular xaqında söylände. Läkin monda xatın-qızlarnıñ bernindi dä ğaebe yuq. Bötenese ir-zatlarınnıñ eşläp citmägänlegennän. TR Premyer-ministrınıñ berençe urınbasarı Rawil Moratov güzäl zatlarnı Xökümät isemennän bäyrämnäre belän qotlap şulay dide.
Veterinar häm fitosanitar küzätçelek idäräsenä şeltälär şaqtıy belderelde. Uzğan yıl ğına oyışqanlığın isäptä totıp Tatarstan awıl-xujalığı häm azıq-tölek ministrı Marat Äxmätov yäşlärgä dä iäläşergä waqıt birelä. İdäräneñ dä şirbät yılı buldı dide.
Şirbät ayında idäräneñ eşçänlege ciñel bulmağan. Bu xaqta oyışma citäkçese Filüs Xisametdinov üzeneñ xisap çığışında söyläde. Ul öre mögezle terlektä leykoz awıruınıñ artuın äytte. Filüs Xisametdinov
Ayıruça awırular Tübän Qama, Zäy, Leninogorski rayonnarında küp. 50-80 protsent tiräse.
Respublikanıñ söt häm it eşkärtü kombinatlarına kergän produktsiäneñ citärlek däräcädä tikşerelmäwen assızıqladı Filüs Xisametdinov. Texnikanıñ iskergänlegenä basım yasadı. Şulay uq ul xaywannar kümelä torğan biotermik çoqırlarnıñ azlığına, meñnän artıq çoqırnıñ yözgä yaqını sanitar taläplärgä turı kilmäwe äytelde. Tülämä awıruınnan ülgän xaywannarnıñ ülät bazlarına da tuqtaldı. Respublika prokurorı Kafil Ämirov moña bötenläy ğäcäplänü belderde. Kiläçäktä zur problema kiterep çığarırğa mömkinlegen äytte. Şul uq waqıtta şeltälär belderep xoquq orğannarına bik az möräcäğät itäsez dide. Äylänä-tirädäge pıçraqlıq turında Kafil Ämirov
Sez menä äylänä-tiräne pıçratu buyınça küpme xoquq eşe quzğattığız? Barı küz buyaw öçen genä eşlisez çınlıqta.
Kiñäşmädä auçılıq, balıqçılıq mäs’äläse dä tikşerelde. Qıtaylarnıñ 100 sumlıq balıq totu yätmäläre böten sulıqlarnı uratıp alğan bit dielde. Kiñäşmädä törle yullar ezlänep, ällä yätmä satunı tıyarğamı dip tä täqdim itep qaradılar. Ämma başqa ısullar tabaçaqlar dip, monnan baş tarttılar.
Auçılıq ölkäsendä kiläçäktä yañalıqlar kötelä ikän. Auçılıq xucalıqların buldırılırğa mömkinnär. Alar buldırılsa xucanıñ röxsätennän başqa yögerep baruçı quyanğa atu tügel, qırın da qararğa da yaramayaçaq.
Landış Xarrasova
