Şuşı könnärdä Qazanğa arxitektorlar dessantı töşte. Barselona baş arxitektorı Xose Acebillo, şulay uq, İtaliä, Yaponiä, Rumınia, İzrail häm başqa il arxitektorları Qazanğa professional küzlektän qarar öçen kilde. Çit il qunaqları häm Qazan, Mäskäw şähär tözüçeläre, seminar ütkärep, Qazannıñ kiläçäge turında kiñäşläşä. Älege siminarnıñ maqsatı - şähärlärneñ kiläçäk üseşe yünäleşendä qızıqlı ideyalar, qabatlanmas täqdimnär eşläp çığaru.
Älege seminarnı oyıştıruçılarnıñ berse, arxitektura üseşe fondı citäkçese Dina Sattarova bezgä tulırıraq mäğlümat birde. Anıñ süzlärençä, Barselona arxitekronıñ çaqırıluı yuqqa tügel. Arxitektura professorı Xose Asebillonıñ abruı zur, zamanında ul täqdim itkän proyektlar, Barselonanı, provinsial qaladan zamança häm borınğılıqnı saqlawçı Yevropa şähärenä äwerelderä, dip söyläde Dina Sattarova. Anıñ äytüenä qarağanda, cirle xakimiätlär arxitektorlarıñ eşenä zur iğtibar birä. Bu seminar da öleşçä respublika aqçasına oyıştırıldı, premyer-ministr da, 19nçe yuldä qunaqlarnı qabul itte. Ağentlıqlar xäbär itkänçä, xökümät başlığı, Qazannıñ tözeleşendä xatalar yasaluın tanığan. Arxitektorlar seminarında qatnaşuçılarğa bu xatalarnı tözätergä täqdim itelä. Alar, Qazan şähäreneñ tözeleş planına üz täqdimnären seminarnıñ soñğı könendä eşläp çığaraçaq. Alarnıñ eçtälege äle bilgele tügel, ämma Barselona arxitektorınıñ qayber fikerläre inde bilgele. Dina Sattarova äytkänçä,Asebillo ağaçlar arasındağı yortlarnı häm keşelärsez üzäkne genä kürä aldım, dip äytkän.
Dina Sattarova añlatqança, Asebillo, Qazan üzägen tığızraq tözü, bulğan ciren, aqıllı itep qullanunı küz aldında tota. Qalğan täqdimnärne 25 yul könne seminarnıñ soñğı könendä iğlan itärgä wäğdä itälär. Ä xalıqara belgeçlärneñ fikerlärenä qolaq salırğamı yuqmı, Qazan üze xäl itä.
Bikä Timerova
