Möselman käläşlären äzerläw berençe çiratqa kölke toyılsa da, ul küp kenä qızlarda qızıqsınu tudırğan. Cäyge yaldan soñ anda kilergä teläwçelär sanı 500кә citkän. Kurslarda bulaçaq ireñä mölayım bulırğa, tämle itep aşarğa peşerergä, matur kienergä öyrätüdän tış, qızlarğa tarixnı, tatarlarnıñ ğöref-ğadätlären dä öyrätäçäklär ikän. Monıñ öçen maxsus ğalimnär çaqırılğan. Ser tügel, küp kenä möselman qızları üzläreneñ ikençe yarı itep törek yäki ğäräp yegetlären saylıy. Bu xaqta Tatarstandağı Möslimä xatın-qızlar Berlege räise Nailä Cihanşina
Başqa millätkä çıqqan xatın-qızlarnıñ balaları başqa millätneke bulaçaq bit. Şuña kiläçäktä dimläwlärne dä oyıştıraçaqbız. Kiäwlär mäktäben dä bulırğa uylıybız. Ğailä oyışqaç ta yärdäm itäçäkbez.
Kurslar atnasına ike tapqır alıp barılaçaq. Barısına da uñay bulsın öçen säğät 5кә bilgelängän. Kurslarğa yörüçelär turında Tatarstandağı Möslimä xatın-qızlar Berlege räise Nailä Cihanşina
Dönyawi uqu yortlarında, mäktäplärdä uquçılar kilä. Şulay uq eşli torğan xatın-qızlar da möräcäğät itä. Äle 30-40 yäştä dä kiäwgä çıqmağannar küp.
Nailä Cihanşina belderüençä, xäzergä barısın da sıydırırlıq bina yuq. Däwlät tarafınnan bälki yärdäm kürsäterlär dip ömetlänä ul. Tatar ğailäsen saqlap qaluda häm balalar sanın arttıruda däwlät belän bergäläp köç quyarğa tieşbez di ul.
Landış Xarrasova
