Dön'yaküläm päräwezdä tatar internetın alğa cibärü öçen 4 yıl elek oyıştırılğan “Tatnet yoldızları” bäygesendä ana telle säxifälärebez nominatsiäläre xäzer soñğı rätlärdä bara. Bıyıl tatar nominatsiäläre arttı dip şaqtıy şapırınsalar da, bäyge barışında da, qotlawda da bu älläni sizelmäde. Ciñü yaulağan millättäşlärebez törle urıs telle säxifälärdän kilgän wäkillär arasında sizelmäde dä. Ä bu bäyge başlanğanda isä tatar internetçıları öçen ber cıyılu bäyräm ide. Çönki alar monda üzläreneñ säxifäläre turında söyläp, fiker urtaqlaşalar, kiläçäktä yaña tatar säxifäläre buldıru turında xıyallanalar ide. Qotlaw barışında ul xaqta barı Bötendönya tatar kongressı Başqarma komitetınıñ berençe räise Renat Wäliullin ğına söyläde. Renat Wäliullin
Tatar dönyası mäğlümat texnologiälär ölkäsendä artta qalsa başqa millätlär belän berrättän atlap bara almayaçaq. Bez tatar internet saytlarınıñ artuın küräbez. «Tatarlar», «Yuldaş», «İslam.nn» digän säxifälär inde küplärgä tanış, ämma şunıñ belän berrättän inde bezneñ Rossiädä genä tügel, ä çit illärdä üzebezneñ saytlar barlıqqa kilä. Mäsälän, Pol'şa belän Litvada şul xaqta süz buldı. Şulay uq tatar telle yaña nominatsiälär barlıqqa kilü uñay küreneş. Ayıruça bügen ana telen üsterü çorında «Tuğan tel» nominatsiäsen buldıru kiläçäkkä stimul bulıp tora.
Bäygegä bıyıl 177 säxifä täqdim itelgän ide, şunıñ 55е ciñü yauladı. Alar arasında säyäsi, ictimaği oyışmalar, xakimiät, sport säxifäläre şaqtıy. Ämma qotlaw barışında bilgeläp uzılğança, xätta xakimiät saytları da barı ber – rus telendä genä yasala. Bäygeneñ oyıştıru komitetı citäkçese Aynur Sibğgatullin Tatarstanda ike däwlä tele, şuña xakimiät saytlarınıñ nindi dä bulsa tatar versiäse bulırğa tieş.
Aynur Sibğatullin barı 2 xakimiät saytınıñ ğına tatarça bülege buluın äytte.
Tatar nominatsiälärenä kilgändä, bıyıl “Tuğan tel, “Tatar dönyası“, “Tatarski mir”, “Fän häm mäğärif” digännäre bar ide. Alarda kübräk Tübän Novgorod, Mäskäw häm Başqortstan säxifäläre ciñü yauladı.
Alar arasında Başqortstannıñ “Qızıl tañ”, “Ömet” gäzitläre, Mäskäw tatar yäşläre säxifäse, Mäskäwneñ “Duslar. ru”, Tübän Novgorodnıñ Safacay awılı säxifälre ciñü yauladı. Şulay uq Çiläbeneñ “Mayaq” kombinatı turındağı “Ural Çernobıle: tatarlar tragediäse“ säxifäse maxsus diplomğa layıq buldı.
Tatar säxifäläre şaqtıy az bulğanlıqtanmı, tatarlar.qom..ru saytı ike nominatsiädä ciñü yauladı. Ciñüçelärgä sifralı fotoapparat, kseroks, klaviatura büläk itelde. Qayberläre isä büläklären aluğa başqalarnı qotlağannı kötep tä tormıyça kitep bardılar. Qısqası, aralaşular da, dustanä fiker alışular da bulmadı.
Landış Xarrasova
