Comğa könne Pekinda Qıtayda Rossiä yılı qısalarında öçençe Rusiä milli kürgäzmäse açıldı. İnde xäbär itkänebezçä, forum eşendä Däwlät şurası räise Färit Möxämmätşin citäkçelegendä Tatarstan wäkilçelege dä qatnaşa. Kürgäzmädä respublika üz eksport häm investitsiä mömkinleklären täqdim itte. Respublika mäğlümat agentlıqları xäbärlärenä qarağanda, Tatarstan mäydançıqları- başqa töbäklär arasında iñ zurısı häm Qıtay eşmäkärläre öçen qızıqtırğıç bulğan. Kürgäzmä, inde Tatarstanğa 100 mln. dollar külämendä investitsiälär kitergän ikän. Gölnaz Şäyxetdin
