Şuşı könnärdä Rusiäneñ Federatsiä Şurası citäkçese Sergey Mironov däwlät xezmätkärlärenä ilneñ xakimiäten tänqitläwne tıyarğa täqdim itte. Rusiäneñ grajdanlıq xezmäte turındağı qanunğa tözätmä inde Dumağa täqdim itelgän. Bu xaqta xalıq ni uylıy? Däwlät xezmätendä eşläwçelärneñ xakimiätne tänqitlärgä xoquqı barmı, yuqmı? Bezneñ bügenge soraştıru şul xaqta bulaçaq.
- Min bu xaqta televizor qarap bik aptırağan idem. Ällä soñ alarnıñ başqa eşläre yuq mikän. Kem kemgä röxsät itmi soñ äle ber-bersen tänqitlärgä, qaya kitkän di bezneñ süz irege.
- Minemçä, tänqit härkemgä kiräk türälärme, ällä ğadi keşeme. Läkin härkem tänqitne döres añlap, anı döres qullanırğa tieş. Keşe bolay ğına tänqitlämi bit, dimäk moña säbäplär bar. Tänqitlängän keşe monnan döres näticä genä yasarğa tieş.
- Tieş älbättä, ägär dä qurıqmasalar, qıyuraq bulsalar. Mömkin bulırğa tieş, xäzer bit bar da açıq.
- Bu täqdimne xuplamıym, çönki çinovniklar üzläre buysınğan citäkçelärgä, xakimiätkä qarşı kimiäçäklär. Minemçä, buş süz söyläp yörgänçe, üz eşläre belän şöğellänsennär.
- Min alarnı tänqit itmäs idem, alarnıñ uñay yaqlarına soqlanıp yäşim min. Älbättä härkemneñ kimçelege bar, adäm färeştä tügel bit.
- Çinovniklar üzlären genä qayğırtıp eşlilär, ä ğadi xalıqnıñ üz dönyası alar türälärgä ışanmıy da, bik kötmi dä. Min üzem dä çinovnik, soyuz waqıtında min bik söyli idem. Häm mine partiägä almadılar, läkin şuña qaramastan zur keşe buldım. Älbättä söyläp bula, läkin alar tıñlamıylar. Alar üz mänfägat'lären qayğırta.
Gölnaz Şäyxetdin
