Kiläse atnada, 13 dekaberdä älege dokumentı Rusiä Däwlät Dumasında qarayaçaqlar. Bilgele bulğança, yaña şartnamäne buldıru östendä eş bik ozaq bardı. Küp kenä söyläşülär, fikerläşülärdän soñ, nihayät ul ğämälgä kerep bara. Mintimer Şäymiev häm Vladimir Putin anı inde imzalağan. Xäzer üz süzlären Duma deputatları äytergä tieş. Xäyer, belgeçlär fikerençä, şartnamäne Rusiä parlamentında tikşerü şoma ğına uzarğa tieş. Tatarstannan wäkillär tikşerüdä qatnaşmasqa da mömkin, kiräk bulsa anda bit bezneñ mänfäğätlärne yaqlarğa respublikadan saylanğan deputat Oleg Morozov bar, di Mintimer Şäymievnıñ säyäsi yärdämçese Rafail’ Xäkimov. Ä menä Tatarstan belän federal’ üzäk arasındağı wäkälätlärne büleşü turındağı şartnamäneñ xoquqı nigezläre häm şuşındıy uq dokumentnıñ başqa töbäklär belän buldırıluı turında ul menä nindi fikerdä tora.
Bez federativ şartnamägä qul quymadıq. Şunıñ öçen bezneñ xoquqı nigezebez bar. Ä bütän töbäklärgä kilgändä, alar teläsä närsä eşläsennär. Mondıy şartnamälärne tözügä Rusiä Konstitutsiäse qarşı kilmi. Şuña kürä, min añlamıym, nigä moñardan qurqırğa kiräkRafail Xäkimov yaña şartnamäne buldıru turında menä şundıy fikerdä tora.
Gölnaz İlgizär
